APM၊ ဩဂတ်စ် ၃၀/ ၂၀၂၃
အာဖရိကအလယ်ပိုင်းဟိ ဂါဘွန်နိုင်ငံတွင် ဒေနိ(ဩဂတ်စ် ၃၀ရက်)နိ၊ မိုးထပိုင်းက ရွီးကောက်ပွဲရလဒ်ထွက်ပေါ်ခပြီးနောက် စစ်တပ်က အာဏာသိမ်းလိုက်ကြောင်း သိရသည်။
ရွီးကောက်ပွဲကော်မသျှင်က ရွီးကောက်ပွဲတွင် သမ္မတ အလီဘွန်ဂိုသည် တတိယအကြိမ်မြောက် အနိုင်ရဟိလားကြောင်း ကြေညာခပြီးနောက် မိနစ်ပိုင်းအကြာတွင် စစ်တပ်က အာဏာသိမ်းမှုဖြစ်ပွားခခြင်းဖြစ်သည်။
စစ်တပ်အရာဟိများက နိုင်ငံပိုင် ဂါဘွန်ရုပ်သံလိုင်းတွင် စစ်အာဏာသိမ်းကြောင်း ကြေညာခပြီး ၎င်းရို့အနီနန့် ဂါဘွန် လုံခြုံရီးနန့် ကာကွယ် ရီးတပ်ဖွဲ့အားလုံးကို ကိုယ်စားပြုကြောင်း ပြောကြားခသည်။
ယင်းအပြင် ရွီးကောက်ပွဲရလဒ်များကို ဖျက်သိမ်းလိုက်ကြောင်း၊ နောက်ထပ်အသိပီးချက် မထုတ်ပြန်ခင်အထိ နယ်စပ်များ အားလုံးကို ပိတ်ထားမည်ဖြစ်ကြောင်းနန့် အစိုးရအဖွဲ့အစည်းများကို ဖျက်သိမ်းလိုက်ကြောင်း စစ်တပ်က ပြောဆိုလားသည်။
သမ္မတ အလီဘွန်ဂိုသည် ရွီးကောက်ပွဲတွင် တတိယအကြိမ် အနိုင်ရကာ ရာစုနှစ်ဝက်ကြာ အုပ်ချုပ်မှုကို သက်တမ်း တိုးရန် အာဏာထပ်မံရဟိခပြီးနောက် အဆိုပါရွီးကောက်ပွဲကို ယုံကြည်လက်ခံမှုမဟိကြောင်း စစ်တပ်က ပြောကြားကာ အာဏာသိမ်းမှု ဖြစ်ပွားခခြင်းဖြစ်သည်။
Source – Gabon army officers say they have seized power after election in oil-rich country
Photo Gabon 24
