APM၊ ဩဂတ်စ် ၃၀ / ၂၀၂၃
ဘွန်ဒါလီဂါကလပ် ဖရန့်ဖတ်အသင်းမှ ပြင်သစ်လက်ရွီးစင် မိုအာနီသည် ၎င်းအား PSG အသင်းသို့ ပြောင်းရွှိပီးရန် ဩဂတ်စ် ၂၉ ရက်နိက ဖရန့်ဖတ်အသင်းထံ တရားဝင်တောင်းဆိုလိုက်ကြောင်းသိရသည်။
PSG အသင်းသည် မိုအာနီအတွက် ယူရိုသန်း ၈၀ ဖြင့် ကမ်းလှမ်းမှုကို ဖရန့်ဖတ်အသင်းဖက်မှ ချက်ချင်းပယ်ချက်ခပြီးနောက် ကဇတ်သမားဖက်က PSG အသင်းသို့ တရားဝင်ပြောင်းရွှိခွင့်ပြုရန် တောင်းဆိုခခြင်းဖြစ်သည်။
PSG အသင်းဖက်က ကျနော့်ကို ကမ်းလှမ်းမှုလုပ်ထားပါရေ။ PSG အသင်းသို့ ပြောင်းရွှိခွင့်ရဖို့က ကျနော့်အတွက်အကြီးမားဆုံးမျှော်လင့်ချက်ပါ။ ကျနော့်ဖက်ကအသင်းပြောင်းဖို့အတွက်လည်း စီမံခန့်ခွဲရီးမှူးကို တရားဝင်ပြောပြီးခပါဗျာယ်။ ဖရန့်ဖတ်အသင်းအနီနန့် PSG အသင်းဖက်က ကမ်းလှမ်းမှုကိုလက်ခံပြီးကေ အပြောင်းအရွှိဖြစ်မြောက်အောင်လုပ်ပီးဖို့ မျှော်လင့်ပါရေ ဟု မိုအာနီ ကပြောကြားခသည်။
အသက် ၂၄ နှစ်အရွယ် မူအာနီသည် ကုန်ခသည့် ၂၀၂၂ ခုနှစ်တွင် နန့်တက်စ်အသင်းမှ ဖရန့်ဖတ်အသင်းသို့ အလွတ်ပြောင်းရွှိကြေး ဖြင့်ရောက်ဟိလာပြီး အသင်းတွင် ပြိုင်ပွဲစုံ ၅၀ အထိ ပါဝင်ကဇတ်ခရာ သွင်းဂိုး ၂၆ ဂိုးသွင်းယူကာ ဂိုးဖန်တီးမှု (၁၇) ကြိမ် ပြုလုပ်ထားသည်။
Source Kolo Muani Pleads With Frankfurt To Agree PSG Transfer
Photo Goal.com
