APM ၊ ဂျူလိုင် ၃၀ / ၂၀၂၃
ဘိုကာဂျူနီယာအသင်းသည် လာလီဂါကလပ် ဗလင်စီယာအသင်း နန့် စာချုပ်သက်တမ်းကုန်၍ ကလပ်မှ ထွက်ခွာလာသည့် ဥရုဂွေးတိုက်စစ်မှူး အီဒင်ဆန်ကာဗာနီ ကို အလွတ်ပြောင်းရွှိကြေး နန့် ခေါ်ယူလိုက်ကြောင်း ဂျူလိုင် ၂၉ ရက်နိတွင် ကြေညာ သည်။
ဘိုကာဂျူနီယာအသင်း အနီနန့် အသက် ၃၆ နှစ်အရွယ် မန်ယူ တိုက်စစ်မှူးဟောင်း ကာဗာနီကို ၁၈ လ စာချုပ် ချုပ်ဆိုထား ပြီး ကြောနံပတ် (၁၀) အင်္ကျီကို ဝတ်ဆင်ကဇတ်လားမည်ဟု သိရသည်။
ဥရုဂွေးလက်ရွီးစင်အသင်းအတွက် ၁၃၆ ပွဲကဇတ်ထားပြီး ၅၈ ဂိုး သွင်းယူထားသည့် ကာဗာနီသည် ကုန်ခသည့် ရာသီက ကြွက်သားဒဏ်ရာကြောင့် ရုန်းကန်ခရကာ ဗလင်စီယာအတွက် ၂၈ ပွဲရာ ပါဝင်ကဇတ်နိုင်ခပြီး ၇ ဂိုးသွင်းယူပီးခသည်။
ကာဗာနီသည် ဥရောပ ကဇတ်သမားဘ၀ကို ၂၀၀၇ ခုနှစ်တွင် ပါလာမိုအသင်း နန့် စတင်ခပြီး လေးရာသီကြာပြီးနောက် နာပိုလီသို့ပြောင်းလာကာ ၁၃၈ ပွဲတွင် ၁၀၄ ဂိုးသွင်းယူခသည့်အပြင် ကိုပါအီတလီယာဖလားကို ဆွတ်ခူးနိုင်ခသည်။
ယင်းနောက် PSG အသင်းသို့ ၂၀၁၃ ခုနှစ်တွင် ပြောင်းလာ၍ ၇ နှစ်ကြာကဇတ်ခကာ ပြိုင်ပွဲအရပ်ရပ်၌ ၂၁၂ ဂိုးသွင်းယူ ပီးခပြီး လီဂူး-၁ ဖလား (၆) ကြိမ်၊ ပြင်သစ်ဖလား (၅) ကြိမ် နန့် လိဂ်ဖလား (၆) ကြိမ်ရဟိခသည်။
Source- Veteran striker Cavani signed by Boca Juniors/AP
Photo-Sport
