APM၊ ဂျူလိုင် ၃၀/၂၀၂၂
ရက္ခိုင့်တပ်တော် AA ဆက်စပ်သည်ဟုဆိုကာ မတရားဖမ်းဆီး တရားစွဲခံထားရပြီး ၂ နှစ်ကျော်ြကာ တရားရင်ဆိုင်နီရသော ရသေ့တောင်ဒေသခံ ၂ ယောက်ကို ဂျူလိုင် ၂၉ ရက်နိမှာ စစ်တွေခရိုင်တရားရုံးက အကြမ်းဖက်မှုတိုက်ဖျက်ရီးဥပဒေ ပုဒ်မ ၅၀(ည) နန့် ထောင်ဒဏ်သုံးနှစ်စီ အသီးသီးချမှတ်လိုက်သည်။
ထောင်ဒဏ်ချမှတ်ခံရသူ ၂ ယောက်မှာ ရသေ့တောင်မြို့နယ်မှ ဦးမောင်ပု(၃၈ နှစ်)နန့် ဦးသာဇံ(၄၀ နှစ်)ရို့ဖြစ်ပြီး သူရို့သည် ၂ဝ၂ဝ ပြည့်နှစ်၊ သြဂတ်စ် ၁၂ ရက်နိက စစ်တွေမြို့နယ်၊ ကျောက်တန်း ပူးပေါင်းစစ်ဆီးရီးဂိတ်၌ ဖမ်းဆီးခံခရခြင်းဖြစ်သည်။
ယင်းနောက် ဦးမောင်ပုနန့် ဦးသာဇံရိုနှ့စ်ယောက်ကို စစ်ကောင်စီတပ်မှ ဗိုလ်ကြီး အောင်မြင့်မြတ်ဆိုသူက တရားလိုလုပ်ကာ စစ်တွေခရိုင်တရားရုံးတွင် အကြမ်းဖက်မှုတိုက်ဖျက်ရီးဥပဒေပုဒ်မ ၅၀(ည)၊ ၅၂(က)ရို့နန့် တရားစွဲဆိုထားခပြီး စစ်တွေထောင်၌ ၂ နှစ်ကျော်ကြာ ထိန်းသိမ်းလျက် ဂျူလိုင် ၂၉ ရက်နိကမှ ပုဒ်မ ၅၀(ည)နန့် အပြီးသတ် အမိန့်ချမှတ်လိုက်ခြင်း ဖြစ်သည်။
သူရို့နှစ်ယောက် ဖမ်းဆီးခံရစဉ်က ဦးသာဇံ၏ လက်တွင် မူးယစ်ဆီးဝါးတွိရသည့်ဟုဆိုကာ မူးယစ်ဆီးဝါးဥပဒေပုဒ်မ ၁၉ (က)ဖြင့် ကနဦး ထောင်ဒဏ် ၁၂ နှစ်ချမှတ်ခံထားရပြီး ဒေဂု ထောင်ဒဏ် ၃ နှစ်နန့်ဆိုလျင် ဦးသာဇံသည် ထောင်ဒဏ် ၁၅ နှစ်ကျခံရမည် ဖြစ်သည်။
ဒေရက်ပိုင်းရက္ခိုင်ပြည်မြို့နယ်အသီးသီး၌ AA နန့် ဆက်စပ်သံသယဖြင့် ဖမ်းဆီးထားသူများကို အကြမ်းဖက်မှုနန့် ဆက်တိုက် ထောင်ချ လျက်ဟိသည်။
ရက္ခိုင့်တပ်တော် AA ကို အကြမ်းဖက်အဖွဲ့အဖြစ်မှ ပယ်ဖျက်လိုက်သည့်အတွက် အယင်က AA နန့်ဆက်စပ်သည်ဆိုကာ အကြမ်း ဖက်မှုဥပဒေပုဒ်မများနန့် တရားစွဲခံထားသူများကို ပြန်လွှတ်ပီးဖို့ ရက္ခိုင်ပြည်သူရို့ မျှော်လင့်ခကေလေ့ စစ်ကောင်စီတပ်က ပြန် လွှတ်မပီးဘဲ အကြမ်းဖက်မှုပုဒ်မများနန့်ရာ တသိတမင်စီရင် ချက်ချနီခြင်းဖြစ်သည်။
(Zawgyi)
ရေသ့ေတာင္က ေဒသခံ ၂ ေယာက္ကို အၾကမ္းဖက္မႈနန႔္ ေထာင္ ၃ ႏွစ္စီခ်မွတ္
APM၊ ဂ်ဴလိုင္ ၃၀/၂၀၂၂
ရကၡိဳင့္တပ္ေတာ္ AA ဆက္စပ္သည္ဟုဆိုကာ မတရားဖမ္းဆီး တရားစြဲခံထားရၿပီး ၂ ႏွစ္ေက်ာ္ၾကာ တရားရင္ဆိုင္နီရေသာ ရေသ့ေတာင္ေဒသခံ ၂ ေယာက္ကို ဂ်ဴလိုင္ ၂၉ ရက္နိမွာ စစ္ေတြခ႐ိုင္တရား႐ုံးက အၾကမ္းဖက္မႈတိုက္ဖ်က္ရီးဥပေဒ ပုဒ္မ ၅၀(ည) နန႔္ ေထာင္ဒဏ္သုံးႏွစ္စီ အသီးသီးခ်မွတ္လိုက္သည္။
ေထာင္ဒဏ္ခ်မွတ္ခံရသူ ၂ ေယာက္မွာ ရေသ့ေတာင္ၿမိဳ႕နယ္မွ ဦးေမာင္ပု(၃၈ ႏွစ္)နန႔္ ဦးသာဇံ(၄၀ ႏွစ္)႐ို႕ျဖစ္ၿပီး သူ႐ို႕သည္ ၂ဝ၂ဝ ျပည့္ႏွစ္၊ ၾသဂတ္စ္ ၁၂ ရက္နိက စစ္ေတြၿမိဳ႕နယ္၊ ေက်ာက္တန္း ပူးေပါင္းစစ္ဆီးရီးဂိတ္၌ ဖမ္းဆီးခံခရျခင္းျဖစ္သည္။
ယင္းေနာက္ ဦးေမာင္ပုနန႔္ ဦးသာဇံ႐ိုႏွ႔စ္ေယာက္ကို စစ္ေကာင္စီတပ္မွ ဗိုလ္ႀကီး ေအာင္ျမင့္ျမတ္ဆိုသူက တရားလိုလုပ္ကာ စစ္ေတြခ႐ိုင္တရား႐ုံးတြင္ အၾကမ္းဖက္မႈတိုက္ဖ်က္ရီးဥပေဒပုဒ္မ ၅၀(ည)၊ ၅၂(က)႐ို႕နန႔္ တရားစြဲဆိုထားခၿပီး စစ္ေတြေထာင္၌ ၂ ႏွစ္ေက်ာ္ၾကာ ထိန္းသိမ္းလ်က္ ဂ်ဴလိုင္ ၂၉ ရက္နိကမွ ပုဒ္မ ၅၀(ည)နန႔္ အၿပီးသတ္ အမိန႔္ခ်မွတ္လိုက္ျခင္း ျဖစ္သည္။
သူ႐ို႕ႏွစ္ေယာက္ ဖမ္းဆီးခံရစဥ္က ဦးသာဇံ၏ လက္တြင္ မူးယစ္ဆီးဝါးတြိရသည့္ဟုဆိုကာ မူးယစ္ဆီးဝါးဥပေဒပုဒ္မ ၁၉ (က)ျဖင့္ ကနဦး ေထာင္ဒဏ္ ၁၂ ႏွစ္ခ်မွတ္ခံထားရၿပီး ေဒဂု ေထာင္ဒဏ္ ၃ ႏွစ္နန႔္ဆိုလ်င္ ဦးသာဇံသည္ ေထာင္ဒဏ္ ၁၅ ႏွစ္က်ခံရမည္ ျဖစ္သည္။
ေဒရက္ပိုင္းရကၡိဳင္ျပည္ၿမိဳ႕နယ္အသီးသီး၌ AA နန႔္ ဆက္စပ္သံသယျဖင့္ ဖမ္းဆီးထားသူမ်ားကို အၾကမ္းဖက္မႈနန႔္ ဆက္တိုက္ ေထာင္ခ် လ်က္ဟိသည္။
ရကၡိဳင့္တပ္ေတာ္ AA ကို အၾကမ္းဖက္အဖြဲ႕အျဖစ္မွ ပယ္ဖ်က္လိုက္သည့္အတြက္ အယင္က AA နန႔္ဆက္စပ္သည္ဆိုကာ အၾကမ္း ဖက္မႈဥပေဒပုဒ္မမ်ားနန႔္ တရားစြဲခံထားသူမ်ားကို ျပန္လႊတ္ပီးဖို႔ ရကၡိဳင္ျပည္သူ႐ို႕ ေမွ်ာ္လင့္ခေကေလ့ စစ္ေကာင္စီတပ္က ျပန္ လႊတ္မပီးဘဲ အၾကမ္းဖက္မႈပုဒ္မမ်ားနန႔္ရာ တသိတမင္စီရင္ ခ်က္ခ်နီျခင္းျဖစ္သည္။
