APM ၊ မေ ၃၀ / ၂၀၂၃
မုန်တိုင်းကြောင့် မြေပုံမြိုနယ် င/မန်းရဲကျွန်းဟိ ဒေသခံပြည်သူများ အဓိက လားလာအသုံးပြုနီရသည့် ရွာချင်း ဆက်ကားလမ်းမကြီး ပျက်စီးလားရကြောင်းသိရသည်။
ယင်းလမ်းကြီးသည် မြေပုံမြို့နန့် င/မန်းရဲကျွန်းကို အဓိကဆက်သွယ်ထားသည့် လမ်းမကြီးဖြစ်သည့်အပြင် င/မန်းရဲ ကျွန်းဟိ ဝက်ကောက် ကြီး၊ ပြင်ချောင်း၊ ပြင်ငခူချောင်း၊ င/မန်းရဲ၊ လွမ်းလုံးပိတ်၊ ညောင်တော၊ မျောက်ကြိမ်၊ တံထားဦး စသည့်ကျေးရွာများကို ဆက်သွယ်ထားသည့် ရွာချင်းဆက်လမ်းမကြီးလေ့ဖြစ်သည်။
မေ ၁၄ ရက်နိက ဖျက်အားပြင်း Mocha ဆိုင်ကလုန်းမုန်တိုင်းတိုက်ခတ်ခပြီးနောက် လမ်းမကြီး အပိုင်းပိုင်း ပြတ်ထွက် လားခသည့်အပြင် လမ်းမီး တိုင်များလေ့ကျိုးကျပျက်စီးလားကြောင်း ဒေသခံများကပြောသည်။
င/မန်းရဲကျွန်းဟိ ကျေးရွာ(၈)ရွာမှ ဒေသခံပြည်သူများ၏ လူမှုရီး၊ စီးပွားရီး နန့် ကျန်းမာရီးအတွက် အဆိုပါ လမ်းမ ကြီးကို အဓိက အသုံးပြု လားလာနီရခြင်းဖြစ်ပြီး လက်ဟိ ယင်းလမ်းမကြီးပျက်စီးလား၍ လားလာရ အဆင်မပြေဘဲ အခက်အခဲ ဖြစ်နီကတ်ရသည်ဟုဆိုသည်။
ရက္ခိုင်တွင် မေ ၁၄ ရက်နိကတိုက်ခတ်ခသည့် Mocha ဆိုင်ကလုန်းမုန် တိုင်းကြောင့် နီအိမ်အများအပြားအပါအဝင် လမ်း၊ တန်းထားတချို့လေ့ ထိခိုက်ပျက်စီးခရကြောင်း သိဟိရသည်။
Photo – ABN
