APM ၊ ဧပြီ ၃၀ / ၂၀၂၃
ရက္ခိုင်ပြည်တွင် ရိုးရာအစဉ်အလာအရ လုပ်ကိုင်နီကတ်သည့် ရက္ခိုင်ရိုးရာ ရက္ကန်းလုပ်ငန်းများမှာ လုပ်သားအင်အား နန့်အရင်းအနှီးလိုအပ်ချက်များကြောင့်အခက်အခဲများစွာနန့် ရင်ဆိုင်နီကတ်ရကြောင်း သိရသည်။
ကုန်ခသည့် ၂၀၁၈ ခုနှစ်လောက်အထိ ရက္ခိုင်ပြည်က ရိုး ရာ ရက္ကန်းလုပ်ငန်းမှာ အင်တန် အဆင်ပြေနီခပြီး ယင်းနောက်ပိုင်းမှ ဒေနိအထိ ရက္ကန်းလုပ်ငန်း၌ လုပ်သားအင် အားယှားပါးမှု၊ကုန်ကြမ်စျီးနှုန်းမြင့်တက်မှု၊ လုပ်အားခနန့် စားသောက် ကုန်ဈီး နှုန်းမြင့်မားမှုအပါအဝင် အခက် အခဲ အကျပ်အတည်းအမျိုးမျိုးနန့် ရင်ဆိုင်နီရသည်ဟု ရက္ကန်းလုပ်ငန်း လုပ်ကိုင်သူများက ပြောသည်။
ယင်းအပြင် တိုက်ပွဲကာလအတွင်း ကုန်စည်ပို့ဆောင်မှု ကန့်သတ်ခံရခြင်း၊ ကုန် ဈီးနှုန်းကြီးမြင့်ခြင်း၊ ဒေသတွင်း ခရီးလား ဧည့်သည် လာရောက်လည်ပတ်မှုနည်းပါးခြင်း ရို့ကြောင့် ရက္ခိုင်ရက္ကန်းလုပ်ငန်းကို အချိန်အင်တန်ကြာ တန့်ထားခရသည်ဟု လေ့ ဆိုသည်။
လက်ဟိ ရက္ခိုင်ရက္ကန်းထည်များမှာ ဈီးကောင်းရနီကေလေ့လုပ်သားအင်အား နန့်အရင်းအနှီးလိုအပ်ချက်များကို မဖြည့် ဆည်းနိုင်ပါက ရက္ခိုင်ရိုးရာရက္ကန်းလုပ်ငန်းမှာ လုံးဝ ပျောက်ကွယ်လားနိုင်သည်ဟု ရက္ကန်းလုပ်ငန်းလုပ် ကိုင်သူများက ပြောကြားကတ်ပါသည်။
