ဒေါ်အောင်ဆန်းစုကြည် နန့် ဦးဝင်းမြင့်ကို အဂတိလိုက်စားမှု ၅ မှုနန့် ထောင်ဒဏ် ခနစ် နှစ်စီ ထပ်ချ

APM December 30, 2022 1 min read

APM ၊ ဒီဇမ်ဘာ ၃၀ / ၂၀၂၂

ဒေါ်အောင်ဆန်းစုကြည်နန့် ဦးဝင့်မြင့်ရို့ကို ရဟတ်ယာဉ် ဝယ်ယူ၊ ဌားရမ်း၊ ထိန်းသိမ်းခြင်းနန့် ပတ်သက်၍ စွဲဆိုထား သည့် အဂတိ လိုက်စားမှု ၅ မှု အတွက် နေပြည်တော်အထူးတရားရုံးက ဒီဇမ်ဘာ ၃၀ ရက်နိတွင် နောက်ထပ် ထောင်ဒဏ် ၇ နှစ်စီ ချမှတ်လိုက်ကြောင်း တရားရုံးနှင့် နီးစပ်သည့်အသိုင်းအဝိုင်းမှ သိရသည်။

ဒေနိ အမိန့်ချခသည့် အမှုများမှာ ရာဇဝတ်ကြီးအမှုအမှတ် ၄၆ ၊ ၄၇ ၊ ၄၈ ၊ ၄၉ နန့် ၅၀ ရို့ ဖြစ်ပြီး၊ ယင်းအထဲမှ အမှု အမှတ် ၄၉ အတွက် ထောင်ဒဏ် ၄ နှစ် နန့် ကျန်အမှုများအတွက် ထောင်ဒဏ် ၃ နှစ်စီကို တပေါင်းတည်း ကျခံစီရန် ချမှတ်လိုက်ခြင်း ဖြစ်သည်။

လက်ဟိတွင် ဒေါ်အောင်ဆန်းစုကြည်သည် အမှုစုစုပေါင်း ၁၉ မှုဖြင့် စုစုပေါင်းထောင်ဒဏ် ၃၃ နှစ် ချမှတ်ခံထားရပြီး၊ ဦးဝင်းမြင့်မှာ အမှုပေါင်း ၈မှုဖြင့် စုစုပေါင်းထောင်ဒဏ် ၁၂ နှစ် ချမှတ်ခံထားရကြောင်း သိရသည်။

Photo – Frontier Myanmar