APM ၊ ဒီဇမ်ဘာ ၃၀ /၂၀၂၂
ရသေ့တောင်တွင် ဒေနိ(ဒီဇမ်ဘာ ၃၀ရက်နိ)မိုးထစောစော ၁ နာရီခွဲခန့်က ဘုန်းကြီးကျောင်းတကျောင်း၌ မီးလောင်မှု ဖြစ်ပွားခပြီး ကျောင်းဆောင် ၁ ဆောင်နန့် စစ်ဖီးယှောင်များနီထိုင်ရာ ၁၀ ခန်းတွဲ အဆောင်တန်း ၁ ခု မီးလောင် ပြာကျ လားကြောင်း သိရသည်။
မီးလောင်မှု ဖြစ်ခသည့် ဘုန်းတော်ကြီးကျောင်းမှာ ရသေ့တောင်မြို့၊ အရှိမြောက်ရပ်ကွက်ဟိ ပညာပါရ မီ ဘုန်းကြီး ကျောင်းဖြစ်ပြီး၊ ကျောင်းဆောင်အတွင်း ဝါယာချော့ခ်ဖြစ်ကာ မီးလောင်ကျွမ်းခြင်းဟု ဆို သည်။
ယင်းမီးလောင်မှုကြောင့် ပျဉ်စီပျဉ်ကာအမျိုးအစား ကျောင်းဆောင် ၁ ဆောင်နန့် ကျောင်းဝန်းထဲဟိ စစ်ဖီးယှောင် များ နီထိုင်ရာ ၁၀ ခန်းတွဲ အဆောင်တန်း ၁ ခု မီးလောင်ပြာကျလားသည်။ မီးကိုတော့ မိုးထ ၂ နာရီခွဲခန့်တွင် ငြိမ်း သတ်နိုင်ခသည်။
အဆိုပါ ပညာပါရမီဘုန်းကြီးကျောင်း၌စစ်ဖီးယှောင် အိမ်ထောင်စု ၇၄ စု ၊ လူဦးရေ ၁၇၁ ယောက် ခိုလှုံနီထိုင်ကတ်သည်ဟု သိရသည်။
