APM၊ နိုဗမ်ဘာ ၃၀/ ၂၀၂၃
ရမ်းဗြဲမြို့မာ (နိုဗမ်ဘာ ၂၉ ရက်နိ) ညဇာက မြို့နယ်ပညာရီးမှူးရုံးဝန်ထမ်းတယောက်ကို စစ်ကောင်စီ တပ်ဖွဲ့ဝင်တိက အကြောင်းပြချက်တစုံတရာမဟိဘဲ ဖမ်းခေါ်လားကြောင်း သိရပါရေ။
အဖမ်းခံရရေပညာရီးဝန်ထမ်းစွာ ရမ်းဗြဲမြို့၊ အမှတ် (၃) ရပ်ကွက်၊အင်းတောင်ရပ်က ကိုအေးမင်းသူ(၂၅နှစ်) ဖြစ်ပါရေ။
နိုဗမ်ဘာ ၂၉ ရက်နိ ညဇာ ၇ နာရီကျော်လောက်က ကိုအေးမင်းသူစွာ ဆိုင်ကယ်နန့် အိမ်ပြန်လာရာ အင်းတောင် တန်းထားအရောက်မာ ကိုအေးမင်းသူကို စစ်ကောင်စီတပ်ဖွဲဝင်တိက ဖမ်းခေါ်လားခစွာ ဖြစ်ပါရေ။
နိုဗမ်ဘာ ၂၉ ရက်နိ၊ မိုးထပိုင်းကလည်း ရမ်းဗြဲမြို့ ဆက်သွယ်ရီး(စာတိုက်)ဝန်ထမ်း ဦးထွန်းဦးခိုင်ကို စစ်ကောင်စီတပ်ဖွဲ့ဝင်တိက ဖမ်းဆီးလားကြောင်း သိရပါရေ။
Please follow and like us:
