APM၊ ဩဂတ်စ် ၃/၂၀၂၂
ရက္ခိုင်ပြည်ကျောက်ဖြူမြို့ပေါ်တွင်စစ်ကောင်စီကပြည်သူများကိုအတင်းအကျပ်ဧည့်စာရင်းတိုင်ခိုင်းပြီး၊အိမ်ထောင် စုစာရင်းပါ လူဦးရေအလိုက် အဓမ္မငွေကြေးကောက်ခံနီကြောင်း မြို့ခံများက ပြောသည်။
ကျောက်ဖြူမြို့ ကလာဘာတောင်ရပ်ကွက်၊ မြကန်သာရွာသို့ ဂျူလိုင် ၂၆ ရက်နိ ညည့်က ကျောက်ဖြူ အခြီစိုက် စစ်ကောင်စီတပ် ခမရ (၅၄၂) တပ်ရင်းနန့် ခလရ (၃၄ ) တပ်ရင်းရို့က တပ်ဖွဲ့ဝင်များ၊ ရဲတပ်ဖွဲ့ဝင်များနန့် လဝက ဝန်ထမ်းများ ဝင်ရောက်၍ ရပ်ကွက်အုပ်ချုပ်ရီးမှုူးကို ခေါ်ယူကာ ဧည့်စာရင်းစစ်ဆီးပြီး အမျိုးသား ၁၈ ယောက်ကို ဖမ်းယူလားခကြောင်းသိရသည်။
ယင်းနောက် မြကန်သာရွာမှ ပြည်သူများအားလုံ ရပ်ကွက်အုပ်ချုပ်ရီးမှူးရုံးတွင် မဖြစ်မနီဧည့်စာရင်းတိုင်ရမည် ဖြစ်ပြီး၊ မတိုင်သူများကို ဖမ်းဆီးမည်ဟု ခြိမ်းခြောက်ခသည်ဟု ဆိုသည်။
ဧည့်စာရင်းတိုင်ကြားရာတွင်လေ့ အိမ်ထောင်စုစာရင်းပါ လူဦးရေအလိုက် တယောက်ကို ငွေ ၁၀၀၀ ကျပ်စီ အဓမ္မ ငွေကြေးကောက်ခံနီကာ ကိုယ်ဝန်ဆောင်များဆိုလျှင် အမိအတွက် ၁၀၀၀၊ ဝမ်းထဲက အချေအတွက် ၅၀၀ စုစုပေါင်း ငွေကျပ် ၁၅၀၀ စီ ပီးဆောင်နီရသည်ဟု ဆိုသည်။
မြကန်သာရွာတွင် အိမ်ခြီ ၂၀၀ ခန့်ဟိပြီး ကုန်ခသည့် ၁၈ နှစ်ခန့်မှ စ၍ နီထိုင်လာခြင်းဖြစ်ကာ လက်ဟိတွင် ကျူးကျော်ဟုဆိုပြီး ဧည့်စာရင်း တိုင်ကြားနီရခြင်းဖြစ်ကြောင်းသိရသည်။
ဤကိစ္စနန့်စပ်လျဉ်း၍ ရပ်ကွက်အုပ် ချုပ်ရီးမှူးအား APM က ဆက်သွယ်မိန်းမြန်းရန်ကြိုးစားကေလေ့ ဆက်သွယ် မရခပါ။သို့သော်နိရဉ္ဇရာသတင်းဌာနနန့်အိန်တာဗျူးတခု၌ယင်းကလာဘာတောင်ရပ်ကွက်ချုပ်ရီးမှူးက “ရဲစခန်းသို့ လားလာရ၊ စစ်သားတိလာကေလေ့ နောက်ကလိုက်ရ၊ လော်စပီကာငှားပြီးကေ ဧည့်စာရင်းတိုင်ဖို့ ကြေ ညာရစွာတိ ကြောင့် ငွေကြေးအကုန်အကျများလို့ ယင်းဖဲသာကို ကောက်ခံရစွာဖြစ်တေ”ဟု ဖြေဆိုထားသည်။
စစ်ကောင်စီသည် ရက္ခိုင်ပြည်အနှံတွင် ဧည့်စာရင်း စစ်ဆီးမှုများကို အကြောင်းပြပြီး ရက္ခိုင် အမျိုးသား အဖွဲ့ချုပ်/ ရက္ခိုင့်တပ်တော် ULA/AA တပ်ဖွဲဝင်များကို ရှာဖွီမှုများ၊ ULA/AA ဆက်စပ်သံသယဟိသူရို့၏ အိမ်များကို ဝင်ရောက် မွှီနှောက်ရှာဖွီမှုများနန့် ဖမ်းဆီးမှုများကို ဆက်တိုက်ပြုလုပ်လျက်ဟိကြောင်း သိဟိရသည်။
(Zawgyi)
ေက်ာက္ျဖဴမွာ စစ္ေကာင္စီက အတင္းအက်ပ္ ဧည့္စာရင္းတိုင္ခိုင္းၿပီး အဓမၼေငြေၾကးေကာက္ခံနီဟု ဆို
APM၊ ဩဂတ္စ္ ၃/၂၀၂၂
ရကၡိဳင္ျပည္ေက်ာက္ျဖဴၿမိဳ႕ေပၚတြင္စစ္ေကာင္စီကျပည္သူမ်ားကိုအတင္းအက်ပ္ဧည့္စာရင္းတိုင္ခိုင္းၿပီး၊အိမ္ေထာင္ စုစာရင္းပါ လူဦးေရအလိုက္ အဓမၼေငြေၾကးေကာက္ခံနီေၾကာင္း ၿမိဳ႕ခံမ်ားက ေျပာသည္။
ေက်ာက္ျဖဴၿမိဳ႕ ကလာဘာေတာင္ရပ္ကြက္၊ ျမကန္သာ႐ြာသို႔ ဂ်ဴလိုင္ ၂၆ ရက္နိ ညည့္က ေက်ာက္ျဖဴ အၿခီစိုက္ စစ္ေကာင္စီတပ္ ခမရ (၅၄၂) တပ္ရင္းနန႔္ ခလရ (၃၄ ) တပ္ရင္း႐ို႕က တပ္ဖြဲ႕ဝင္မ်ား၊ ရဲတပ္ဖြဲ႕ဝင္မ်ားနန႔္ လဝက ဝန္ထမ္းမ်ား ဝင္ေရာက္၍ ရပ္ကြက္အုပ္ခ်ဳပ္ရီးမႈူးကို ေခၚယူကာ ဧည့္စာရင္းစစ္ဆီးၿပီး အမ်ိဳးသား ၁၈ ေယာက္ကို ဖမ္းယူလားခေၾကာင္းသိရသည္။
ယင္းေနာက္ ျမကန္သာ႐ြာမွ ျပည္သူမ်ားအားလုံ ရပ္ကြက္အုပ္ခ်ဳပ္ရီးမႉး႐ုံးတြင္ မျဖစ္မနီဧည့္စာရင္းတိုင္ရမည္ ျဖစ္ၿပီး၊ မတိုင္သူမ်ားကို ဖမ္းဆီးမည္ဟု ၿခိမ္းေျခာက္ခသည္ဟု ဆိုသည္။
ဧည့္စာရင္းတိုင္ၾကားရာတြင္ေလ့ အိမ္ေထာင္စုစာရင္းပါ လူဦးေရအလိုက္ တေယာက္ကို ေငြ ၁၀၀၀ က်ပ္စီ အဓမၼ ေငြေၾကးေကာက္ခံနီကာ ကိုယ္ဝန္ေဆာင္မ်ားဆိုလွ်င္ အမိအတြက္ ၁၀၀၀၊ ဝမ္းထဲက အေခ်အတြက္ ၅၀၀ စုစုေပါင္း ေငြက်ပ္ ၁၅၀၀ စီ ပီးေဆာင္နီရသည္ဟု ဆိုသည္။
ျမကန္သာ႐ြာတြင္ အိမ္ၿခီ ၂၀၀ ခန႔္ဟိၿပီး ကုန္ခသည့္ ၁၈ ႏွစ္ခန႔္မွ စ၍ နီထိုင္လာျခင္းျဖစ္ကာ လက္ဟိတြင္ က်ဴးေက်ာ္ဟုဆိုၿပီး ဧည့္စာရင္း တိုင္ၾကားနီရျခင္းျဖစ္ေၾကာင္းသိရသည္။
ဤကိစၥနန႔္စပ္လ်ဥ္း၍ ရပ္ကြက္အုပ္ ခ်ဳပ္ရီးမႉးအား APM က ဆက္သြယ္မိန္းျမန္းရန္ႀကိဳးစားေကေလ့ ဆက္သြယ္ မရခပါ။သို႔ေသာ္နိရၪၨရာသတင္းဌာနနန႔္အိန္တာဗ်ဴးတခု၌ယင္းကလာဘာေတာင္ရပ္ကြက္ခ်ဳပ္ရီးမႉးက “ရဲစခန္းသို႔ လားလာရ၊ စစ္သားတိလာေကေလ့ ေနာက္ကလိုက္ရ၊ ေလာ္စပီကာငွားၿပီးေက ဧည့္စာရင္းတိုင္ဖို႔ ေၾက ညာရစြာတိ ေၾကာင့္ ေငြေၾကးအကုန္အက်မ်ားလို႔ ယင္းဖဲသာကို ေကာက္ခံရစြာျဖစ္ေတ”ဟု ေျဖဆိုထားသည္။
စစ္ေကာင္စီသည္ ရကၡိဳင္ျပည္အႏွံတြင္ ဧည့္စာရင္း စစ္ဆီးမႈမ်ားကို အေၾကာင္းျပၿပီး ရကၡိဳင္ အမ်ိဳးသား အဖြဲ႕ခ်ဳပ္/ ရကၡိဳင့္တပ္ေတာ္ ULA/AA တပ္ဖြဲဝင္မ်ားကို ရွာဖြီမႈမ်ား၊ ULA/AA ဆက္စပ္သံသယဟိသူ႐ို႕၏ အိမ္မ်ားကို ဝင္ေရာက္ မႊီေႏွာက္ရွာဖြီမႈမ်ားနန႔္ ဖမ္းဆီးမႈမ်ားကို ဆက္တိုက္ျပဳလုပ္လ်က္ဟိေၾကာင္း သိဟိရသည္။
