APM ၊ ဂျူလိုင် ၃ / ၂၀၂၃
မြန်မာပြည်တဝန်း ဆင်းရဲမွဲတေမှုကြောင့် မိသားစုကို အထောက်အပံ့ပီးနိုင်ရန် အန္တရာယ်ဟိသည့်အလုပ်များ၌ အချိန် ကြာ မြင့်စွာ အလုပ်လုပ် ကိုင်နီရသည့် အချေအလုပ်သမားများ မြင့်တက်နီကြောင်း အပြည်ပြည်ဆိုင်ရာအလုပ်သမားအဖွဲ့ (ILO) ၏ နောက်ဆုံးအစီရင်ခံစာအရ သိရသည်။
ILO မြန်မာ၏ အကဲဖြတ်ချက်အရ ရန်ကုန်၊ ဧရာဝတီနန့် ကရင်ပြည်ရို့တွင် အလုပ်လုပ်ကိုင်နီသည့် အချေအလုပ်သမား ၇၀ ရာခိုင်နှုန်းကျော် သည် ၎င်းရို့၏ အိမ်ထောင်စုများတွင် ငွေကြေးဆိုင်ရာ စိန်ခေါ်မှုများကြောင့် အဓိက လုပ်ကိုင်နီရသည်ဟု ဆိုသည်။
ယင်းအပြင် ကိုဗစ်ကပ်ရောဂါနန့် နိုင်ငံရီးအကျပ်အတည်းများကြောင့် ကျောင်းများပိတ်ထားရသဖြင့် အချေများသည် စိုက် ပျိုးရီး၊ ကုန်ထုတ်လုပ်ရီး၊ လက်လီလက်ကားရောင်းဝယ်ရီးနန့် အိမ်ဖော်လုပ်ငန်းများတွင် လုပ်ကိုင်နီကတ်ပြီး အများစုမှာ အလုပ်ချိန်များများ၊ လုပ်ခအနည်းနည်းနန့် အလုပ်လုပ်နီကတ်ရသည်ဟု ဖော်ပြထားသည်။
အဆိုပါလုပ်ငန်းများထဲမှ အချေလုပ်သား ၉၀ ရာခိုင်နှုန်းသည် ဆောက် လုပ်ရီးလုပ်ငန်းများတွင် အလီးအပင်သယ်ယူနီရပြီး နီပူထဲတွင် နားချိန်မဟိဘဲ အချိန်ကြာကြာ အလုပ်လုပ်ကိုင်နီရကာ လုပ်ငန်းခွင်အတွင်း မ တော်တဆဖြစ်မှုများ၊ ထိခိုက်ဒဏ် ရာရဟိခြင်းများဖြစ်ပေါ်နီကြောင်းအစီရင်ခံစာအရ သိရသည်။
အချေအလုပ်သမားများကို ခန့်အပ်ထားသည့် အလုပ်သျှင်များသည်လေ့ အလွယ်တကူထိန်းချုပ်နိုင်ခြင်း၊ ညည်းညူမှု မဟိခြင်းစသည့်အကြောင်းရင်းများကြောင့် အလုပ်ခန့်ရန် အနိမ့်ဆုံးအသက်နန့် ဥပဒေများကိုဂရုမစိုက်ဘဲ အလုပ်ခိုင်းစီနီ ကတ်ကြောင်း ILO ၏ အစီရင်ခံစာတွင် ဖော်ပြထားသည်။
Source Children paying a high price for engaging in work in Myanmar/ ILO
Photo – ILO
