APM ၊ ဂျူလိုင် ၃ / ၂၀၂၃
တရုတ်နိုင်ငံတဝှမ်းတွင် အပူချိန်ဆက်လက်မြင့်တက်နီဆဲဖြစ်ပြီး၊ ရီကြီးမှုကြောင့်လေ့ လူပေါင်းသောင်းချီ နီရာရွှိပြောင်း ထားရကြောင်း အမျိုးသားမိုးလီဝသဌာနက ဒေနိ(ဂျူလိုင် ၃ ရက်)နိတွင် ထုတ်ပြန်ပြောကြားသည်။
ဘေဂျင်းမြို့တွင် ဂျူလိုင် ၃ ရက်နိ နိခင်းပိုင်း၌ အပူချိန်သည် ၃၃ ဒီဂရီစင်တီဂရိတ်(၉၁ ဖာရင် ဟိုက်) ဟိခကေလေ့ ဒေအပတ် အတွင်း ဘေကျင်းအပါအဝင် နိုင်ငံတဝန်းဟိ တခြားဒေသများတွင် ၃၉.၆ စင်တီဂရိတ် (၁၀၃ ဖာရင်ဟိုက်) အထိ မြင့်တက် လာနိုင်ကြောင်း အမျိုးသားမိုးလီဝသဌာနက ခန့်မှန်းထားသည်။
တချိန်တည်းတွင် တရုတ်နိုင်ငံအလယ်ပိုင်း ဟူနန်ပြည်နယ်၌ ဂျူလိုင် ၂ ရက်နိမှစကာ ရီကြီးရီလျံမှုဖြစ်ပွားနီ၍ လူတသောင်း လောက်ကို အရေးပေါ် နီရာရွှိပြောင်းခရကြောင်း ပြည်နယ်အရေးပေါ်စီမံခန့်ခွဲရီးဗျူရိုမှ ပြောကြားသည်။
ရီကြီးမှုအတွင်း လူနီအိမ် ၇၀ ခန့် လုံးဝပြိုကျခကာ အဆောက်အအုံနန့် လူနီအိမ်စုစုပေါင်း ၂၂၈၃ ခု ပျက်စီးခပြီး အနည်းဆုံး ယွမ် ၅၇၅ သန်း (အမေရိကန်ဒေါ်လာ ၇၉ သန်း) ခန့် ဆုံးယှုံးခကြောင်းလေ့ သိရသည်။
ပြီးခသည့် ၂၀၂၁ခုနှစ်ကလေ့ တရုတ်နိုင်ငံအလယ်ပိုင်း ဟီနန်ပြည်နယ်တွင် ရီကြီးရီလျံမှုကြောင့် လူ ၃၀၀ ကျော် သီဆုံးခရ သိမ့်သည်။
Source – Flooding displaces 10,000 around China as Beijing gets a relative respite from sweltering heat/ AP
Photo – The Star
