APM၊ ဂျူလိုင် ၃/၂၀၂၂
မင်းပြားမြို့နယ်အခြီစိုက် စစ်ကောင်စီတပ် တိုင်းဗဟို(၉) နားတွင် ဒေနိ (ဂျူလိုင် ၃ ရက်နိ) မွန်းလွဲ ၃ နာရီ လောက်က မိုင်းတလုံးပေါက်ကွဲ၍ ဒေသခံချင်းလူငယ်တယောက် ပြင်းပြင်းထန်ထန်ဒဏ်ရာ ရလားခကြောင်း သိရသည်။
ဒဏ်ရာရလားလူမှာ မင်းပြားမြို့နယ်၊ အထက်ခချီးမြောင်ရွာက ကိုမောင်လှထွန်း(၂၈နှစ်)ဖြစ်ပြီး၊ တိုင်းဗဟို(၉) အနားမှာ သစ်ကွက်လားရှာရာမှ စစ်ကောင်စီတပ် ထောင်ထားသည့်မိုင်းကို နင်းမိခြင်းဖြစ်သည်။
ယင်းမိုင်းပေါက်ကွဲမှုကြောင့် ကိုမောင်လှထွန်း၏ ခြီထောက်များ၌ ပြင်းပြင်းထန်ထန်ဒဏ်ရာ ရလားပြီး၊ မင်းပြား ဆီးရုံသို့ ပို့ဆောင်ထားကြောင်း ရွာသားများက ပြောသည်။
ပြီးခသည့် ဖေဖော်ဝါရီ ၈ ရက်နိကလေ့ မင်းပြားမြိုနယ်၊ မင်းပုန်းတောင်တွင် မိုင်းပေါက်ကွဲမှုဖြစ်ခပြီး အနီး အနားဟိ သလူချောင်းရွာမှ ဦးမောင်သန်းထွန်း(၅၂နှစ်) သီဆုံးလားခသိမ့်သည်။
ယင်းနည်းတူ ရက္ခိုင်ပြည်အတွင်း မင်းပြားအပါအဝင်မြို့နယ်များ၌ မိုင်းပေါက်ကွဲမှုများ မကြာမကြာ ဖြစ်ပေါ် လျက်ဟိပြီး လယ်သမားများပိုင်ဆိုင်သည့် ကျွဲ၊ နွား သီဆုံးမှုများ၊ အရပ်သားများ၏ ကိုယ်လက်အင်္ဂါ၊ အသက် ဆုံးယှုံးမှုများ ဆက်တိုက် ဖြစ်ပေါ် လျက်ဟိသည်။
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော်(ULA/AA)ကလေ့ ပြည်သူတိအနီနန့် မိုင်းအန္တရာယ်ကြောင့် ကိုယ်လက်အင်္ဂါဆုံးယှုံးခြင်းနန့် အသက်အန္တရာယ်ဆုံးယှုံးခြင်းများမဖြစ်စီရန် စစ်ကောင်စီတပ်ရင်း၊ တပ်ဖွဲ့များနန့် နီးစပ်သော နီရာများသို့ လုံးဝ မလားလာကတ်ဖို့ အကြိမ်ကြိမ် သတိပီးတိုက်တွန်းထားကြောင်း သိဟိရပါသည်။
(Zawgyi)
မင္းျပား၊ တိုင္းဗဟို(၉)အနားတြင္ မိုင္းေပါက္ကြဲ၍ ေဒသခံတေယာက္ ျပင္းျပင္းထန္ထန္ ဒဏ္ရာရ
APM၊ ဂ်ဴလိုင္ ၃/၂၀၂၂
မင္းျပားၿမိဳ႕နယ္အၿခီစိုက္ စစ္ေကာင္စီတပ္ တိုင္းဗဟို(၉) နားတြင္ ေဒနိ (ဂ်ဴလိုင္ ၃ ရက္နိ) မြန္းလြဲ ၃ နာရီ ေလာက္က မိုင္းတလုံးေပါက္ကြဲ၍ ေဒသခံခ်င္းလူငယ္တေယာက္ ျပင္းျပင္းထန္ထန္ဒဏ္ရာ ရလားခေၾကာင္း သိရသည္။
ဒဏ္ရာရလားလူမွာ မင္းျပားၿမိဳ႕နယ္၊ အထက္ခခ်ီးေျမာင္႐ြာက ကိုေမာင္လွထြန္း(၂၈ႏွစ္)ျဖစ္ၿပီး၊ တိုင္းဗဟို(၉) အနားမွာ သစ္ကြက္လားရွာရာမွ စစ္ေကာင္စီတပ္ ေထာင္ထားသည့္မိုင္းကို နင္းမိျခင္းျဖစ္သည္။
ယင္းမိုင္းေပါက္ကြဲမႈေၾကာင့္ ကိုေမာင္လွထြန္း၏ ၿခီေထာက္မ်ား၌ ျပင္းျပင္းထန္ထန္ဒဏ္ရာ ရလားၿပီး၊ မင္းျပား ဆီး႐ုံသို႔ ပို႔ေဆာင္ထားေၾကာင္း ႐ြာသားမ်ားက ေျပာသည္။
ၿပီးခသည့္ ေဖေဖာ္ဝါရီ ၈ ရက္နိကေလ့ မင္းျပားၿမိဳနယ္၊ မင္းပုန္းေတာင္တြင္ မိုင္းေပါက္ကြဲမႈျဖစ္ခၿပီး အနီး အနားဟိ သလူေခ်ာင္း႐ြာမွ ဦးေမာင္သန္းထြန္း(၅၂ႏွစ္) သီဆုံးလားခသိမ့္သည္။
ယင္းနည္းတူ ရကၡိဳင္ျပည္အတြင္း မင္းျပားအပါအဝင္ၿမိဳ႕နယ္မ်ား၌ မိုင္းေပါက္ကြဲမႈမ်ား မၾကာမၾကာ ျဖစ္ေပၚ လ်က္ဟိၿပီး လယ္သမားမ်ားပိုင္ဆိုင္သည့္ ကြၽဲ၊ ႏြား သီဆုံးမႈမ်ား၊ အရပ္သားမ်ား၏ ကိုယ္လက္အဂၤါ၊ အသက္ ဆုံးယႈံးမႈမ်ား ဆက္တိုက္ ျဖစ္ေပၚ လ်က္ဟိသည္။
ရကၡိဳင္အမ်ိဳးသားအဖြဲ႕ခ်ဳပ္/ရကၡိဳင့္တပ္ေတာ္(ULA/AA)ကေလ့ ျပည္သူတိအနီနန႔္ မိုင္းအႏၲရာယ္ေၾကာင့္ ကိုယ္ လက္ အဂၤါဆုံးယႈံးျခင္းနန႔္ အသက္အႏၲရာယ္ဆုံးယႈံးျခင္းမ်ားမျဖစ္စီရန္ စစ္ေကာင္စီတပ္ရင္း၊ တပ္ဖြဲ႕မ်ားနန႔္ နီးစပ္ေသာ နီရာမ်ားသို႔ လုံးဝ မလားလာကတ္ဖို႔ အႀကိမ္ႀကိမ္ သတိပီးတိုက္တြန္းထားေၾကာင္း သိဟိရပါသည္။
