APM ၊ မေ ၃ / ၂၀၂၃
ယာယီနည်းပြအဖြစ်ချဲလ်ဆီးအသင်း သို့ ဒုတိယအကြိမ်ပြန်ရောက်လာသည့် နည်းပြဖရန့်လမ်းပတ်က အသင်းအနီနန့် အခြီ ခံမှစ၍ ပိုကောင်းအောင်လုပ် ဆောင်မှရာ တိုးတက်ပြောင်းလဲမည်ဟု အာဆင်နယ်ကို ၃-၁ ဂိုးဖြင့် ယှုံးသည့်ပွဲအပြီးတွင် ပြောကြားသည်။
“ဒေရာသီမှာ အသင်းကြုံတွိနီရရေ အခြေအနေတိကို အစကပင် အဆုံးအထိ ရှာဖွီရပါဖို့။ ဖြေယှင်းဖို့ကတော့ အခြီခံကနီ စပြီးကေ ပိုကောင်းအောင်လုပ်ရဖို့ဖြစ်ပါရေ။ ဒေနိပွဲမှာလေ့ လုံလောက်တေ ခြီစွမ်းမပြနိုင်ကတ်ပါ။ ပရီးမီးယားလိဂ်ကို ရောက်လာရေ ကဇတ်သမားသစ်တိအနီနန့်လေ့ ရုန်းကန်ရပါဖို့။ ဒေလိဂ်က ကမ္ဘာပေါ်မှာ အခက်ခဲဆုံးလိဂ်ပါ” ဟု လမ်းပတ် က ဆိုသည်။
ချဲလ်ဆီးသည် ဒုတိယပိုင်းတွင် မာဒူကီ၏ သွင်းဂိုးတဂိုးဖြင့်ရာ ကျေနပ်ခရပြီး အာဆင်နယ်အသင်းကတော့ ပထမပိုင်းကပင် အော်ဒီဂတ် ၂ ဂိုး၊ ဂျေဇူး ၁ ဂိုးဖြင့်အနိုင်ရလားကာ အဆင့် (၁) သို့ ယာယီတက်ရောက်လားခသည်။
လမ်းပတ်သည် ချဲလ်ဆီးကိုတာဝန်ယူသည့် ပရီးမီးယားလိဂ် ၆ ပွဲစလုံးတွင် ယှုံးနိမ့်ထားပြီး ချဲလ်ဆီးသို့မရောက်ခင် အဲဗာတန် ကို ကိုင်တွယ်ခသည့် နောက်ဆုံးလေးပွဲမှာလေ့ ယှုံးနိမ့်ခသည့်အတွက် ပရိးမီးယားလိဂ်ကလပ်တွင် ၁၀ ပွဲဆက် အရေးနိမ့် သည့် ပထမဆုံးအင်္ဂလိပ်နည်းပြဖြစ်လာခသည်။
Source – Lampard says Chelsea need to improve their fundamentals.
Photo – Getty Images
