APM ၊ မေ ၃ / ၂၀၂၃
မန်စီးတီးတိုက်စစ်မှူး ဟာလန်းအနီနန့် ဒေဂုရာသီမှာ စံချိန်အများကြီးချိုးထားကေေလ့ သူ၏ ကဇတ်ပုံကို အေထက်မက ပိုကောင်းအောင်လုပ်ဖို့ လိုသိမ့်သည်ဟု နည်းပြ ဂွါဒီယိုလာက ပြောကြားလိုက်သည်။
ဟာလန်းသည် တရာသီအတွင်း ပြိုင်ပွဲအရပ်ရပ် ဂိုး ၅၀ သွင်းယူနိုင်သည့် ပထမဆုံး အင်္ဂလန်ထိပ်တန်းကဇတ်သမား တယောက်ဖြစ် လာပြီး ပရီးမီးယားလိဂ်မှာ တရာသီအတွင်း ၃၄ ဂိုးအထိ စံချိန်တင်သွင်းထားသည့် အလန်ချီးယားနန့် အန်ဒီကိုးလ်ရို့စံချိန်ကိုလေ့ လိုက်မီထားသည်။
“ဟာလန်းအနီနန့် အနာဂတ်မှာ ကဇတ်ပုံတိ အေထက်မက ပိုကောင်းအောင်ကြိုးစားဖို့လိုပါရေ။ မဟုတ်ကေသူ ခက်ခဲ လာပါလိမ္မေ။ သူအဂုဂိုးသွင်းပိုင် ဂိုးမသွင်းနိုင်ကေ လူတိက အခြေအနေဆိုးလာရေလို့ ပြောကတ်ဖို့သေချာရေ။ ယင်းကိစ္စ နန့်ပတ်သက်လို့ ကျနော်သူ့ကို ပြောပြထားပါရေ။ သူ့မှာ အေထက် ကောင်းချင်ရေ စိတ်ခံစားချက်ဟိရေအတွက် သူလုပ်နိုင် ဖို့ ကျနော်ထင်ပါရေ”ဟု ဒေနိညည့် ကဇတ်မည့် ဝက်စ်ဟမ်းနန့်ပွဲမတိုင်ခင် ဂွါဒီယိုလာက ပြောကြားခသည်။
အသက် ၂၂ နှစ်အရွယ် ဟာလန်းသည် ဒေဂုရာသီ ပြိုင်ပွဲစုံသွင်းဂိုး ၅၀ ၌ ပရီးမီးယားလိဂ် ပွဲပေါင်း ၃၀ တွင် ၃၄ ဂိုး၊ ချန်ပီယံ လိဂ် ၈ ပွဲ တွင် ၁၂ ဂိုး၊ FA ဖလား ၃ ပွဲတွင် ၃ ဂိုး၊ လိဂ်ဖလားတွင် ၂ ပွဲတွင် ၁ ဂိုး သွင်းယူထားသည်။
မန်စီးတီးအသင်းသည် ဒေနိ မေ ၃ ရက်နိညည့် ဝက်စ်ဟမ်းကို အိမ်ကွင်း၌ လက်ခံကဇတ်ရမည်ဖြစ်ပြီး အနိုင်ရပါက အာဆင်နယ်အသင်းယာယီယူထားသည့် ပရီးမီးယားလိဂ် ဇယားထိပ်သို့ တက်ရောက်မည် ဖြစ်သည်။
Source – Guardiola says Haaland still needs to do better
Photo- Reuters
