စစ်ကောင်စီဖက်က ၄ ယောက်ထက်မနည်း သီဆုံး
APM ၊ ဧပြီ ၃ / ၂၀၂၄
အမ်းမြို့နယ်၊ လုံးရွာနားမာ မာ့ချ် ၃၁ ရက်နိ၊ ညဇာက ရက္ခိုင့်တပ်တော် AAနန့် အကြမ်းဖက်စစ်ကောင်စီတပ်ရို့ တနာရီလောက်အကြာ တိုက်ပွဲဖြစ်ပွားခရေလို့ ရက္ခိုင့်တပ်တော် AA က ဧပြီ ၃ ရက်နိမာ သတင်းထုတ်ပြန်ပါရေ။
” မာ့ချ်လ(၃၁) ရက်နိ၊ ညဇာ (၃) နာရီ (၀၅) မိနစ်အချိန်က အမ်းမြို့နယ်၊ လုံးရွာအနောက်ဖက် (၁.၄) ကီလိုမီတာအကွာအဝီးဟိ တောင် ကြောတွင် အကြမ်းဖက်စစ်ကောင်စီတပ် နန့် ရက္ခိုင့်တပ်တော်ရို့ တနာရီခန့်တိုက်ပွဲဖြစ်ပွားခသည်” လို့ ထုတ်ပြန်ချက်မာ ဖော်ပြထားပါရေ။
ယင်းတိုက်ပွဲအတွင်းမာ အကြမ်းဖက်စစ်ကောင်စီဖက်က မျက်မြင် ၄ ယောက် သီဆုံးခရေလို့ ဆိုပါရေ။
ယင်းအပြင် အမ်းမြို့နယ်အတွင်းဟိ အကြမ်းဖက်စစ်ကောင်စီ၏ စကခ(၅) လက်အောက်ခံ တောဟိန်းတောင် ဗျူဟာ အပါအဝင် ၎င်းပတ်ဝန်းကျင်ဟိ စခန်းအချို့ကိုလည်း ရက္ခိုင့်တပ်တော်က အဓိကထားထိုးစစ်ဆင် တိုက်ခိုက်လျက်ဟိရေလို့လည်း ထုတ်ပြန်ချက်အရ သိဟိရပါရေ။
