APM ၊ ဧပြီ ၃ / ၂၀၂၃
ရက္ခိုင်ပြည်တွင် ရက္ခိုင့်တပ်တော် နန့် မြန်မာစစ်တပ်ရို့ နှစ်ဖက်အပစ်အခတ်ရပ်ထားကေလေ့ လက်ဟိတွင် မြန်မာစစ်တပ်မှ စစ်အင်အား အင်နန့်အားနန့် တိုးချဲ့လျက်ဟိသည်။
စစ်တွေမြို့ ရွှီမင်းဂံဆိပ်နန့် ရီချမ်းပြင်ဆိပ်ကို အဓိကအသုံးပြုလျက် ရက္ခိုင်ပြည်အနှံ့သို့ နေဗီများနန့်လူ၊လက်နက်၊ ရိက္ခာများ တင်ဆောင်ကာ နီစဉ်ရက်ဆက် အင်အားတိုးချဲ့နီသည်။
ပြည်သူများအသုံးပြုရာ ကုန်းလမ်းများမှလေ့ သီနတ်များကိုင်ဆောင်ပြီး စစ်ကြောင်းလျှောက်အင်အားဖြည့်တင်းခြင်း၊ စစ်ကားများနန့် ပေါ်ပေါ်ထင်ထင် လားလာနီခြင်း စသည့် အဖက်ဖက်မှအင်အား ဖြည့်တင်းနီသည်။
အဆိုပါ မြန်မာစစ်တပ်မှ စစ်အင်အားဖြည့် တင်းခြင်းအပါအဝင် စစ်ဆီးရီးဂိတ်များ ပိုတိုးလာခြင်း၊ Mi -17 ထောက်ပို့ လီယာဉ်များတွင် တပ်သားများကိုတင်ဆောင်ကာ အင်အားဖြည့်နီခြင်းကြောင့် ပြည်သူများမှာ စိတ်မလုံခြုံမှုများ ဖြစ်နီ ကတ်ရသည်။
ရက္ခိုင်တွင် ကုန်ခသည့် ၂၀၂၂ နိုဗမ်ဘာ ၂၆ ရက်နိကစလို့ ရက္ခိုင့်တပ်တော် နန့်မြန်မာ စစ်တပ်ရို့ လူသားချင်းစာနာထောက် ထားမှုဆိုင်ရာ ယာယီအပစ်ခတ်ရပ်စဲထားကေလေ့ မြန်မာစစ်တပ်မှ လက်ဟိကာလအထိ အားနန့်အင်နန့် စစ်အင်အား တိုးချဲ့ နီ၍ ပြည်သူများမှာ စိုးရိမ်ကြောက်လန့်နီကတ်ရကြောင်းသိဟိရပါသည်။
