APM ၊ ဧပြီ ၃ / ၂၀၂၃
မြောက်ဦးမြို့ပေါ်ရပ်ကွက်များနန့် စစ်ဖီးယှောင်စခန်းများဟိ အချေများ နိစဉ်နိတိုင်း ပုံမှန်စာဖတ်နိုင်အောင် “စာပီဂါရီ” ရွိလျားစာကြည့်တိုက်မှ စာအုပ်များကို အိမ်တိုင်ရာရောက် ငှားပီးနီကြောင်း သိရသည်။
အဆိုပါ “စာပီဂါရီ”ရွိလျားစာကြည့်တိုက် ဖွင့်လှစ်ထားသူများက တပတ်လျှင် တလင်းဂနီနိတရက်စီ ရပ်ကွက်များ နန့် စစ်ဖီး ယှောင်စခန်းများက အချေများအားအိမ်တိုင်ရာ ရောက်လိုက်လံပို့ပီးနီသည်ဟု စာကြည့်တိုက် ဦးဆောင်သူများက ဆိုသည်။
အချေများကို နိစဉ်နိတိုင်း ပုံမှန်စာဖတ်စီလို၍ “စာပီဂါရီ” ရွိလျားစာကြည့်တိုက်ကို ၂၀၂၂ ခုနှစ်၊ ဂျုန်လ ၄ ရက်နိမှာ မြောက် ဦးမြို့ပေါ်မှ ရက္ခိုင်လူငယ် ကဗျာဆရာများနန့် စာပီဝါသနာသျှင်များစတင် ဖွဲ့စည်းခကတ်သည်။
ကနဦးက စစ်တွေမြို့ Green Sittwee အဖွဲ့မှ ပံ့ပိုးသည့် စာအုပ် ၂၀၀ ဖြင့်စတင်ခရပြီး၊ နောက်ပိုင်း စာပီဂါရီ၏ သက်တမ်း ၁ နှစ်နန့် ၁၀လ ကြာလာသည့် ဒေဂုအခါ စာအုပ်ပေါင်း ၃၀၀၀ ကျော်လောက်နန့် လည်ပတ်လာနိုင်ကာ အချေ ၃၀၀လောက် ပုံမှန်စာဖတ်လာနိုင်ယာဟု ဆိုသည်။
လက်ဟိတွင် ရက္ခိုင်ပြည်၌ စစ်တွေ၊ မြောက်ဦး၊ ပုဏ္ဏားကျွန်း၊ ရသေ့တောင်၊ မောင်တော၊ ရမ်းဗြဲ၊ ကျောက်ဖြူ၊ မင်းပြား အစဟိသည့် မြို့နယ်အားလုံးနီးပါးတွင် ရက္ခိုင်လူငယ်များကဦးဆောင်လျက် ရွိလျားစာကြည့်တိုက်များကို အသီးသီး ဖွင့် လှစ်ကာ လှုပ်ယှားဆောင်ရွက်နီကတ်ကြောင်း သိဟိရပါသည်။
Photo – စာပီဂါရီ ရွိလျား စာကြည့်တိုက်
