APM၊ နိုဗမ်ဘာ ၃ /၂၀၂၃
ရသေ့တောင်မြို့နယ်၊ မိုးစဲကျွန်းမာ နိုဗမ်ဘာ ၃ ရက် ညည့် ၁၂ နာရီခွဲလောက်က အထက်တန်း ကျောင်းသူ တယောက်စွာ နီအိမ် အတွင်း ကြိုးတွဲချ သီဆုံးလားကြောင်း သိရပါရေ။
ကြိုးတွဲချ သီဆုံးလားရေ ကျောင်းသူမာ ရသေ့တောင်မြို့နယ် မိုးစဲကျွန်း ၊ဆားပြင်ကြီးကျေးရွာက ၁၁ တန်းတက်နီရေ မဆန်းဆန်းဌေး ( ၁၉ နှစ်) ဖြစ်ပါရေ။
“ဆန်းဆန်းဌေးက ရသေ့တောင်မြို့နယ် ညောင်ပင်လယ်ရွာမာ ကျောင်းတက်နီစွာပါ။ ဝါကျွတ် ကျောင်းပိတ်လို့ အိမ်ပြန်ရောက်နီချိန် မာ ကြိုးတွဲချ သီလားခစွာပါ”လို့ နီးစပ်သူတယောက်က ပြောပါရေ။
ကြိုးတွဲချ သီဆုံးလားရေ မဆန်းဆန်းဌေး ရုပ်အလောင်းကို မိသားစုတိက ဆားပြင်ကြီးရွာသင်္ချိုင်းသို့ ပို့ဆောင်ထားပြီးကေ ဒေနိ နိခင်း ၂ နာရီခွဲလောက်မာ သင်္ဂြိုလ်လားဖို့ လို့သိရပါရေ။
Please follow and like us:
