APM ၊ အောက်တိုဘာာ ၃ / ၂၀၂၃
မင်းပြားမြို့မာ အောက်တိုဘာ၂ ရက်နိညဇာ အသက် ၃၇ နှစ်အရွယ် ဒေသခံအမျိုးသားတယောက်မာ ရီမြုပ်သီဆုံးလားရေလို့သိရပါရေ။
သီဆုံးလားလူစွာ မင်းပြားမြို့ ပြည်တော်လှရပ်ကွက်က အဖ ဦးအေးထွန်းမောင်နန့်အမိ ဒေါ်ခင်ဦးရို့ ၏သား ကိုအောင်နိုင် ဖြစ်ပါရေ။
အောင်နိုင်စွာ အောက်တိုဘာ ၂ ရက်နိညဇာက နီအိမ်က ထွက်လားပြီးနောက် ပြန်မရောက်ဘဲ ပျောက်ဆုံးလားစွာဖြစ်ပါရေ။
ဒေနိ (အောက်တိုဘာ ၃ ရက်နိ)မိုးထမာတော့ ရီမြုပ်သီးဆုံနီရေ ကိုအောင်နိုင်ကို အထက (၃) အနား လမ်းဘေးရီမြောင်းမာတွိခရစွာဖြစ်ပါရေ။
ကိုအောင်နိုင်စွာ အိမ်ကထွက်လားခပြီးနောက် ညဇာ ၆ နာရီကျော်လောက်က မင်းပြားဆီးရုံကြီးဟိ ဦးစိန်ထွန်းအရက်ဆိုင်မာ အရက်သောက်ခသိမ့်ရေလို့သိရပါရေ။
ရက္ခိုင်မာ ပြီးခရေ စပ်တမ်ဘာလအတွင်းကလည်း အချေ ၅ ယောက်အပါဝင်လူ ၁၈ ယောက် ရီမြုပ်သီဆုံး ခရပါသိမ့်ရေ။
Please follow and like us:
