APM ၊ အောက်တိုဘာ ၃/ ၂၀၂၃
မြန်မာပြည်ဆူပူလှုံ့ဆော်မှုဆိုင်ရာ ဥပဒေပုဒ်မ – ၅၀၅(က)နန့် အမှုဖွင့်ခံထားရရေ ရခိုင်အမျိုးသမီးများကွန်ရက် ဥက္ကဋ္ဌ ဒေါ်ညိုအေးအမှုက လိုပြသက်သီနှစ်ယောက်ကို အောက်တိုဘာ ၂ ရက်နိ ရုံးချိန်းမာ စတင်စစ်ဆီးခကြောင်း သိရပါရေ။
အမှုကို အောက်တိုဘာ ၂ ရက်နိမာ ရုံးထုတ်ခပြီးကေ လိုပြသက်သီနှစ်ယောက်ကိုစတင်စစ်ဆီးခပနာ လာဖို့အောက်တိုဘာ ၉ ရက်နိသို့ ရုံးထပ်ချိန်းလိုက်ပါရေ။
ဒေါ်ညိုအေးစွာ ပြီးခရေ စပ်တမ်ဘာ ၁၈ ရက်နိက ရုံးချိန်းက ကျန်းမာရီးအခြေအနီဆိုးရွားလာရေအတွက် စစ်တွေဆီးရုံကြီးမာ အရေးပေါ်ဆီးကုသမှု ခံယူခရပါသိမ့်ရေ။
ဒေါ်ညိုအေးကို (၅၆)နှစ်မြောက် ဆန်ပြဿနာ အောက်မိဖွယ်အခမ်းအနား တက်ရောက်ခလို့ဆိုပနာ ဩဂတ်စ် ၁၅ နိမာ မြန်မာစစ်တပ်က ဖမ်းယူလာခစွာဖြစ်ပါရေ။
ယင်းနောက် မြန်မာပြည်ဆူပူလှုံ့ဆော်မှုဆိုင်ရာ ဥပဒေပုဒ်မ – ၅၀၅ (ခ)နန့် စစ်တွေအမှတ်(၁)ရဲစခန်းမှူး တရားလိုလုပ်ပနာ အမှုဖွင့်ခကေလေ့ နောက်ပိုင်းမာ ပုဒ်မ ၅၀၅ (က) သို့ ပြောင်းပနာ ရုံးထုတ်စစ်ဆီးနီစွာဖြစ်ပါရေ။
