APM ၊ အောက်တိုဘာ ၃/၂၀၂၂
မြောက်ဦးမြို့မှာ ဒေနိ(အောက်တိုဘာ ၃ ရက်နိ) မိုးထ ၁၀ နာရီခန့်၌ အပြစ်မဲ့အရပ်သားပြည်သူ တယောက်ကို စစ်ကောင်စီတပ်က ထပ်မံဖမ်းဆီးလားကြောင်း သိရသည်။
အဖမ်းခံရသူမှာ မြောက်ဦးမြို့၊ တောင်ရပ်ရပ်ကွက်၊ ဘားဘူတောင်မှ ဦးဘကျော်(ခ) ဦးမောင်မြသိန်း(၅၉နှစ်)ဖြစ်သည်။
သူသည် မြောက်ဦးမြို့မဈီးကြီးတွင်ဆီးဆိုင်ဖွင့်လှစ်ရောင်းချနီသူဖြစ်ပြီး ဒေနိမိုးထ ၁၀ နာရီအချိန်ခန့်၌ မြောက်ဦးအခြီစိုက် စစ်ကောင် စီတပ် ခမရ (၃၇၇)တပ်ဖွဲ့ဝင်များနန့် ရဲတပ်ဖွဲ့ဝင်များပူးပေါင်းလျက် ဆိုင်ထဲသို့ ဝင်ရောက်ဖမ်းဆီးကာ ခမရ(၃၇၇) တပ်ရင်းသို့ ယူဆောင် လားခကြောင်းသိရသည်။
ကုန်ခသည့် စပ်တမ်ဘာ ၂၉ ရက်နိကလေ့ စစ်ကောင်စီတပ်သည် မြောက်ဦးမြို့နယ် မောင်းဆွဲရွာနန့် အနားဝန်းကျင် ကျေးရွာများမှ အပြစ်မဲ့ပြည်သူ ၂၉ ယောက်ကို ဖမ်းဆီးခသိမ့်သည်။
ယင်းဖမ်းဆီးခံရသူများကို ရိုက်နှက်စစ်ဆီးမှုများပြုလုပ်ပြီးနောက် ၂၉ ယောက်ထဲမှ ၂၈ ယောက်ကို ပြန်လွတ်ပီးလိုက်ကေလေ့ ကျန်တယောက်ဖြစ်သည့် မောင်းဆွဲရွာမှ ဦးဝင်းနိုင်ကိုတော့ လက်ဟိအချိန်ထိ ပြန်လွတ်ပီးခြင်းမဟိသိမ့်ဘဲ မြောက်ဦးအခြီစိုက် စစ်ကောင်စီတပ် ခမရ(၃၇၈) တပ်ရင်းတွင် လူမဆန်စွာ ရက်ရက်စက်စက် ရိုက်နှက်နှိပ်စက် စစ်ဆီးမီးမြန်းမှုများ ဆက်လက် ပြုလုပ် နီကြောင်း သိရသည်။
ယင်းနည်းတူ ကုန်ခသည့် စပ်တမ်ဘာ ၂၅ ရက်နိကလေ့ မြောက်ဦးမြို့၊ဝါဈီးရပ်ကွက်မှ ဦးကျော်သန်းလှိုင် နန့် ဦးသန်းထွန်းရို့ ညီအစ်ကို ၂ ယောက်ကို ခမရ (၃၇၇)၊ ခမရ(၃၇၈) တပ်ရင်းမှ တပ်ဖွဲ့ဝင်များနန့် ရဲတပ်ဖွဲ့ ပူးပေါင်း၍ ဖမ်းလားခသိမ့်သည်။
ယင်းအပြင် ကုန်ခသည့် စပ်တမ်ဘာ ၄ ရက်နိကလေ့ မြောက်ဦးမြို့၊ တောင်ရပ်ရပ်ကွက်မှ လူသိများသော ကိုရင်ဆို့(ခ) ကိုကျော်ဇံဝေကို စစ်ကောင်စီတပ်ဖွဲ့ဝင်များက ဖမ်းယူလာခသိမ့်သည်။
ထို့ကြောင့် မြောက်ဦးမြို့နယ်တွင် စပ်တမ်ဘာ ၄ ရက်နိကနီ ဒေနိ(အောက်တိုဘာ ၃ ရက်နိ) အထိ တလအတွင်း စစ်ကောင်စီတပ်၏ ဖမ်းဆီးခြင်းခံထားရသည့် အပြစ်မဲ့အရပ်သားပြည်သူ စုစုပေါင်း ၇ ယောက်ထက်မနည်း ဟိနီကြောင်းလေ့ သိဟိရပါသည်။
(Zawgyi)
ေျမာက္ဦးၿမိဳ႕မွ အျပစ္မဲ့ျပည္သူ တေယာက္ကို စစ္ေကာင္စီတပ္ ထပ္ဖမ္းျပန္
APM ၊ ေအာက္တိုဘာ ၃/၂၀၂၂
ေျမာက္ဦးၿမိဳ႕မွာ ေဒနိ(ေအာက္တိုဘာ ၃ ရက္နိ) မိုးထ ၁၀ နာရီခန႔္၌ အျပစ္မဲ့အရပ္သားျပည္သူ တေယာက္ကို စစ္ေကာင္စီတပ္က ထပ္မံဖမ္းဆီးလားေၾကာင္း သိရသည္။
အဖမ္းခံရသူမွာ ေျမာက္ဦးၿမိဳ႕၊ ေတာင္ရပ္ရပ္ကြက္၊ ဘားဘူေတာင္မွ ဦးဘေက်ာ္(ခ) ဦးေမာင္ျမသိန္း(၅၉ႏွစ္)ျဖစ္သည္။
သူသည္ ေျမာက္ဦးၿမိဳ႕မဈီးႀကီးတြင္ဆီးဆိုင္ဖြင့္လွစ္ေရာင္းခ်နီသူျဖစ္ၿပီး ေဒနိမိုးထ ၁၀ နာရီအခ်ိန္ခန႔္၌ ေျမာက္ဦးအၿခီစိုက္ စစ္ေကာင္ စီတပ္ ခမရ (၃၇၇)တပ္ဖြဲ႕ဝင္မ်ားနန႔္ ရဲတပ္ဖြဲ႕ဝင္မ်ားပူးေပါင္းလ်က္ ဆိုင္ထဲသို႔ ဝင္ေရာက္ဖမ္းဆီးကာ ခမရ(၃၇၇) တပ္ရင္းသို႔ ယူေဆာင္ လားခေၾကာင္းသိရသည္။
ကုန္ခသည့္ စပ္တမ္ဘာ ၂၉ ရက္နိကေလ့ စစ္ေကာင္စီတပ္သည္ ေျမာက္ဦးၿမိဳ႕နယ္ ေမာင္းဆြဲ႐ြာနန႔္ အနားဝန္းက်င္ ေက်း႐ြာမ်ားမွ အျပစ္မဲ့ျပည္သူ ၂၉ ေယာက္ကို ဖမ္းဆီးခသိမ့္သည္။
ယင္းဖမ္းဆီးခံရသူမ်ားကို ႐ိုက္ႏွက္စစ္ဆီးမႈမ်ားျပဳလုပ္ၿပီးေနာက္ ၂၉ ေယာက္ထဲမွ ၂၈ ေယာက္ကို ျပန္လြတ္ပီးလိုက္ေကေလ့ က်န္တေယာက္ျဖစ္သည့္ ေမာင္းဆြဲ႐ြာမွ ဦးဝင္းႏိုင္ကိုေတာ့ လက္ဟိအခ်ိန္ထိ ျပန္လြတ္ပီးျခင္းမဟိသိမ့္ဘဲ ေျမာက္ဦးအၿခီစိုက္ စစ္ေကာင္စီတပ္ ခမရ(၃၇၈) တပ္ရင္းတြင္ လူမဆန္စြာ ရက္ရက္စက္စက္ ႐ိုက္ႏွက္ႏွိပ္စက္ စစ္ဆီးမီးျမန္းမႈမ်ား ဆက္လက္ ျပဳလုပ္ နီေၾကာင္း သိရသည္။
ယင္းနည္းတူ ကုန္ခသည့္ စပ္တမ္ဘာ ၂၅ ရက္နိကေလ့ ေျမာက္ဦးၿမိဳ႕၊ဝါဈီးရပ္ကြက္မွ ဦးေက်ာ္သန္းလႈိင္ နန႔္ ဦးသန္းထြန္း႐ို႕ ညီအစ္ကို ၂ ေယာက္ကို ခမရ (၃၇၇)၊ ခမရ(၃၇၈) တပ္ရင္းမွ တပ္ဖြဲ႕ဝင္မ်ားနန္႔ ရဲတပ္ဖြဲ႕ ပူးေပါင္း၍ ဖမ္းလားခသိမ့္သည္။
ယင္းအျပင္ ကုန္ခသည့္ စပ္တမ္ဘာ ၄ ရက္နိကေလ့ ေျမာက္ဦးၿမိဳ႕၊ ေတာင္ရပ္ရပ္ကြက္မွ လူသိမ်ားေသာ ကိုရင္ဆို႔(ခ) ကိုေက်ာ္ဇံေဝကို စစ္ေကာင္စီတပ္ဖြဲ႕ဝင္မ်ားက ဖမ္းယူလာခသိမ့္သည္။
ထို႔ေၾကာင့္ ေျမာက္ဦးၿမိဳ႕နယ္တြင္ စပ္တမ္ဘာ ၄ ရက္နိကနီ ေဒနိ(ေအာက္တိုဘာ ၃ ရက္နိ) အထိ တလအတြင္း စစ္ေကာင္စီတပ္၏ ဖမ္းဆီးျခင္းခံထားရသည့္ အျပစ္မဲ့အရပ္သားျပည္သူ စုစုေပါင္း ၇ ေယာက္ထက္မနည္း ဟိနီေၾကာင္းေလ့ သိဟိရပါသည္။
