APM ၊ စပ်တမ်ဘာ ၂၉ / ၂၀၂၃
မြောက်ဦးမြို့နယ်မာ ဒေနိ(စပ်တမ်ဘာ ၂၉ ရက်နိ) မိုးထက ငါးရှာလားရေ ဒေသခံအမျိုးသားတယောက် ရီမြုပ်သီဆုံးလားကြောင်းသိရပါရေ။
ရီမြုပ်သီဆုံးလားလူမာ မြောက်ဦးမြို့နယ်၊ ဆင်ဖြူတင်ရွာက ဦးစိန်ကျော်သန်း (၃၅ နှစ်) ဖြစ်ပါရေ။
ဦးစိန်ကျော်သန်းစွာ ဒေနိ မိုးထ ၆ နာရီလောက်မာ ငါးရှာဖို့ နီအိမ်က ထွက်လားပြီးနောက်အိမ်ကိုပြန်မရောက်ဘဲ ပျောက်ဆုံးလားခစွာပါ။
ယင်းနောက် ရွာသားတိဝိုင်းဝန်းရှာဖွိကတ်ရာ ရွာအရှိဖက်ဟိ ချောင်းမာ ရီမြုပ်သီဆုံးနီရေ ရုပ်အလောင်းကို မိုးထ ၉ နာရီလောက်က ရှာတွိခပါရေ။
ဦး စိန်ကျော်သန်း ရုပ်အလောင်းကိုတော့ ညဇာ ၄ နာရီမာ ရွာသင်္ချိုင်းမာ မြီမြှုပ်သင်္ဂြိုလ်လားဖို့ဖြစ်ကြောင်း သိရပါရေ။
APM က ကောက်ယူထားချက်အရ ရက္ခိုင်မာ ဒေလအတွင်း အကြောင်းအမျိုးမျိုးကြောင့် ရီမြုပ်သီဆုံးလားလူ စုစုပေါင်း ၁၆ ယောက်အထိဟိလာပြီးကေ ယင်းအထဲ အချေ ၅ ယောက်ပါဝင်ပါရေ။
Please follow and like us:
