APM၊ စပ်တမ်ဘာ ၂၉/ ၂၀၂၃
စင်ကာပူဗဟိုမူးယစ်ဆီးဝါးဗျူရို (CNB) ရေ မကြာသိမ့်ခင်က စစ်ဆင်ရီးတခုအတွင်း အသက် ၁၇နှစ်က ၂၁ နှစ်ကြား လူငယ် ၅ ယောက်ကို မူးယစ်ဆီးဝါးမှုသံသယနန့် ဖမ်းဆီးခကြောင်း ဒေနိ(စပ်တမ်ဘာ ၂၉ရက်)နိမာ ထုတ်ပြန်ပါရေ။
စင်ကာပူအာဏာပိုင်တိစွာ ယင်းလူငယ် ၅ယောက်နန့်တတူ အိုင်းမူးယစ်ဆီး ၂၀၄ ဂရမ်၊ ဆီးခြောက် ၁၄၃ ဂရမ်၊ ကတ်တမင်း ၁၂ ဂရမ်နန့် စိတ်ကြွဆီးပြား ၁၂ ပြားအပါအဝင် တခြားမူးယစ်ဆီးဝါးတိနန့် လက်နက်တိကိုလည်း သိမ်းဆည်းရမိခရေလို့ ဆိုပါရေ။
သိမ်းဆည်းရမိခရေ မူးယစ်ဆီးဝါးတိစွာ ခန့်မှန်းခြီအားဖြင့် စင်ကာပူဒေါ်လာ ၇၁,၀၀၀ (အမေရိကန်ဒေါ်လာ ၅၂,၀၀၀ လောက်) ဟိ ကြောင်း ထုတ်ပြန်ချက်မာ ဖော်ပြထားပါရေ။
လက်ဟိမာ ဖမ်းဆီးခံထားရရေ သံသယဟိလူအားလုံးကို စုံစမ်းစစ်ဆီးမှုတိ ဆက်လက်လုပ်ဆောင်နီကြောင်း CNB က ဆိုပါရေ။
မူးယစ်ဆီးဝါးမှုကို ပြင်းထန်ရေ ဥပဒေတိချမှတ်ထားရေ စင်ကာပူနိုင်ငံမာ ဒေဂုနှစ် ဂျူလိုင် ၂၈ ရက်နိက အမျိုးသမီး တယောက်ကို မူးယစ်ဆီးဝါးမှုနန့် ကြိုးမိန့်စီရင်ခပြီးကေ ဧပြီ ၂၆ရက်နိကလည်း အမျိုးသားတယောက်ကို မူးယစ် ဆီးဝါးရောင်းဝယ်မှုနန့် ကြိုးမိန့်စီရင်ခပါရေ။
အလားတူ ၂၀၂၂ ခုနှစ်၊ မာ့ချ်လကလည်း မူးယစ်ဆီးရောင်းဝယ်ဖောက်ကားရေ လူ ၁၅ ယောက်ကို ကြိုးမိန့်စီရင်ခပါသိမ့်ရေ။
Source Singapore authority arrests 5 young drug offenders
Photo – CNB
