APM၊ စပ်တမ်ဘာ ၂၉/၂၀၂၂
မြောက်ဦးတွင် ဒေနိ(စပ်တမ်ဘာ ၂၉ ရက်နိ) ညဇာ ၃ နာရီခွဲအချိန်ခန့်က စစ်ကောင်စီတပ်ထောင်ထားသောမိုင်းကို တက်နင်းမိ၍ ပေါက်ကွဲမှုဖြစ်ပြီး ဒေသခံ လူငယ်တယောက် ခြီနှစ်ဖက်လုံးပြတ်ထွက်လားကြောင်း သိရသည်။
ခြီနှစ်ဖက်လုံးပြတ်ထွက်လားသူမှာ မြောက်ဦးမြို့၊အောင်တင်ရပ်ကွက်၊ မြို့သစ်ရပ်မှ မောင်စိုးနိုင်ကျော်(၁၈နှစ်)ဖြစ်ပြီး၊ သူသည် မြောက်ဦးမြို့ လော်ကမူရပ်ကွက်၊ ကျောက်ရာဇ်ကေရပ်၊ ရန်ကုန်-စစ်တွေ ကားလမ်းမဘေးဟိ တခွက်ဆရာတောင်ထက်သို့ အပေါ့စွန်ရန် လားစဉ် စစ်ကောင်စီတပ်ထောင်ထားသည့် မိုင်းကို နင်းမိခြင်းဟု သိရသည်။
ယင်းမိုင်းပေါက်ကွဲမှုကြောင့်မောင်စိုးနိုင်ကျော်၏ ခြီထောက်နှစ်ဖက်စလုံး ဒူးဆစ်အောက်မှနီ၍ ပြတ်ထွက်လားခပြီး ရင်ဘတ်တွင် လေ့ မိုင်းစထိမှန်ဒဏ်ရာရဟိလားကာ ဒဏ်ရာပြင်းထန်သဖြင့် မြောက်ဦးဆီးရုံကြီးသို့ ချက်ချင်းပို့ဆောင်လိုက်ရကြောင်း ဒေသခံ များက ပြောသည်။
မြောက်ဦးအပါအဝင် ရက္ခိုင်ပြည်မြို့နယ်များ၌ မိုင်းပေါက်ကွဲမှုများ မကြာမကြာ ဖြစ်ပွားနီကာ ဒေသခံအပြစ်မဲ့အရပ်သား ပြည်သူ များ၏ ကိုယ်လက်အင်္ဂါ၊ အသက် ဆုံးယှုံးမှုများ၊ လယ်သမားများပိုင်ဆိုင်သည့် ကျွဲ၊ နွားသီဆုံးမှုများ ဆက်တိုက် ဖြစ်ပေါ် လျက် ဟိသည်။
မိုင်းပေါက်ကွဲမှုများသည် စစ်ကောင်စီတပ်ရင်း၊ တပ်ဖွဲ့များနန့်နီးစပ်သည့်နီရာများ၊စစ်ကောင်စီတပ် တပ်စွဲနီထိုင်ခသည့် နီရာများ နန့် အယင်က တိုက်ပွဲဖြစ်ပွားခသည့်နီရာများ၌ ပေါက်ကွဲနီခြင်းဖြစ်သည်။
ရက္ခိုင်အမျိုးသားအဖွဲ့ချုပ်/ရက္ခိုင့်တပ်တော်(ULA/AA)မှလေ့“ပြည်သူများအနီနန့်မိုင်းအန္တရာယ်ကြောင့် ကိုယ်လက် အင်္ဂါဆုံးယှုံး မှု၊ အသက်ဆုံးယှုံးမှုများ မဖြစ်ရအောင် စစ်ကောင်စီတပ် တပ်ရင်းတပ်ဖွဲ့များနန့် နီးစပ်သော နီရာများ၊ တိုက်ပွဲဖြစ်ပွား ခသော နီရာများနန့်အယင်ကစစ်ကောင်စီတပ် စခန်းချနီထိုင်ခသော နီရာများသို့ လုံးဝ မလားလာကတ်ရန်” အကြိမ်ကြိမ် သတိပီး တိုက် တွန်းထားကြောင်း သိရသည်။
(Zawgyi)
ေျမာက္ဦးမွာ စစ္ေကာင္စီတပ္ ေထာင္ထားသည့္မိုင္းကို နင္းမိ၍ ေဒသခံလူငယ္တေယာက္ ၿခီႏွစ္ဖက္လုံး ျပတ္ထြက္လား
APM၊ စပ္တမ္ဘာ ၂၉/၂၀၂၂
ေျမာက္ဦးတြင္ ေဒနိ(စပ္တမ္ဘာ ၂၉ ရက္နိ) ညဇာ ၃ နာရီခြဲအခ်ိန္ခန႔္က စစ္ေကာင္စီတပ္ေထာင္ထားေသာမိုင္းကို တက္နင္းမိ၍ ေပါက္ကြဲမႈျဖစ္ၿပီး ေဒသခံ လူငယ္တေယာက္ ၿခီႏွစ္ဖက္လုံးျပတ္ထြက္လားေၾကာင္း သိရသည္။
ၿခီႏွစ္ဖက္လုံးျပတ္ထြက္လားသူမွာ ေျမာက္ဦးၿမိဳ႕၊ေအာင္တင္ရပ္ကြက္၊ ၿမိဳ႕သစ္ရပ္မွ ေမာင္စိုးႏိုင္ေက်ာ္(၁၈ႏွစ္)ျဖစ္ၿပီး၊ သူသည္ ေျမာက္ဦးၿမိဳ႕ ေလာ္ကမူရပ္ကြက္၊ ေက်ာက္ရာဇ္ေကရပ္၊ ရန္ကုန္-စစ္ေတြ ကားလမ္းမေဘးဟိ တခြက္ဆရာေတာင္ထက္သို႔ အေပါ့စြန္ရန္ လားစဥ္ စစ္ေကာင္စီတပ္ေထာင္ထားသည့္ မိုင္းကို နင္းမိျခင္းဟု သိရသည္။
ယင္းမိုင္းေပါက္ကြဲမႈေၾကာင့္ေမာင္စိုးႏိုင္ေက်ာ္၏ ၿခီေထာက္ႏွစ္ဖက္စလုံး ဒူးဆစ္ေအာက္မွနီ၍ ျပတ္ထြက္လားခၿပီး ရင္ဘတ္တြင္ ေလ့ မိုင္းစထိမွန္ဒဏ္ရာရဟိလားကာ ဒဏ္ရာျပင္းထန္သျဖင့္ ေျမာက္ဦးဆီး႐ုံႀကီးသို႔ ခ်က္ခ်င္းပို႔ေဆာင္လိုက္ရေၾကာင္း ေဒသခံ မ်ားက ေျပာသည္။
ေျမာက္ဦးအပါအဝင္ ရကၡိဳင္ျပည္ၿမိဳ႕နယ္မ်ား၌ မိုင္းေပါက္ကြဲမႈမ်ား မၾကာမၾကာ ျဖစ္ပြားနီကာ ေဒသခံအျပစ္မဲ့အရပ္သား ျပည္သူ မ်ား၏ ကိုယ္လက္အဂၤါ၊ အသက္ ဆုံးယႈံးမႈမ်ား၊ လယ္သမားမ်ားပိုင္ဆိုင္သည့္ ကြၽဲ၊ ႏြားသီဆုံးမႈမ်ား ဆက္တိုက္ ျဖစ္ေပၚ လ်က္ ဟိသည္။
မိုင္းေပါက္ကြဲမႈမ်ားသည္ စစ္ေကာင္စီတပ္ရင္း၊ တပ္ဖြဲ႕မ်ားနန႔္နီးစပ္သည့္နီရာမ်ား၊စစ္ေကာင္စီတပ္ တပ္စြဲနီထိုင္ခသည့္ နီရာမ်ား နန႔္ အယင္က တိုက္ပြဲျဖစ္ပြားခသည့္နီရာမ်ား၌ ေပါက္ကြဲနီျခင္းျဖစ္သည္။
ရကၡိဳင္အမ်ိဳးသားအဖြဲ႕ခ်ဳပ္/ရကၡိဳင့္တပ္ေတာ္(ULA/AA)မွေလ့“ျပည္သူမ်ားအနီနန႔္မိုင္းအႏၲရာယ္ေၾကာင့္ ကိုယ္လက္ အဂၤါဆုံးယႈံး မႈ၊ အသက္ဆုံးယႈံးမႈမ်ား မျဖစ္ရေအာင္ စစ္ေကာင္စီတပ္ တပ္ရင္းတပ္ဖြဲ႕မ်ားနန႔္ နီးစပ္ေသာ နီရာမ်ား၊ တိုက္ပြဲျဖစ္ပြား ခေသာ နီရာမ်ားနန႔္အယင္ကစစ္ေကာင္စီတပ္ စခန္းခ်နီထိုင္ခေသာ နီရာမ်ားသို႔ လုံးဝ မလားလာကတ္ရန္” အႀကိမ္ႀကိမ္ သတိပီး တိုက္ တြန္းထားေၾကာင္း သိရသည္။
