APM၊ ဂျူလိုင် ၂၉/၂၀၂၂
စစ်တွေမြို့နယ်၊ တောကန်ရွာနန့်သိန်းတန်ရွာအကြား ဆက်သွယ်ထားသည့်လမ်းတွင် စစ်ကောင်စီတပ်က စခန်းချ စစ်ဆီးရီးဂိတ်ဖွင့်ပြီး ဒေသခံများကို နိုင်ထက်စီးနင်းပြုလုပ်နီသောကြောင့် ဒေသခံပြည်သူများ လားလာရန် အခက် တွိနီရကြောင်း သတင်းရဟိသည်။
ယင်း တောကန်- သိန်းတန်ကားလမ်း၌ သိန်းတန်စာသင်ကျောင်းအနားမှာ ကုန်ခသည့် ဂျူလိုင် ၁၀ ရက်နိမှစ၍ စစ်တွေအခြီစိုက်စစ်ကောင်စီတပ် အမှတ်(၉၀၈) စစ်မြီပြင် အိန်ဂျင်နီယာတပ်ရင်းမှ တပ်ဖွဲ့ဝင်များ လာရောက် စစ်ဆီးရီးဂိတ်ဖွင့်ထားခြင်းဖြစ်သည်။
ယင်း စစ်ကောင်စီတပ် စစ်ဆီးရီးဂိတ်မှ တပ်ဖွဲ့ဝင်များသည် ဒေသခံ လမ်းလားလမ်းလာများကို ခြိမ်းခြောက်ခြင်း၊ ပါလာသည့်ပစ္စည်း များထဲမှ ၎င်းရို့လိုချင်သည့်ပစ္စည်းများကို အတင်းအဓမ္မလုယူခြင်း၊ ဒေသခံများကို ဖြတ်သန်းလားလာခွင့်မပြုဘဲ လှည့်ပြန်ခိုင်းခြင်း စသည်အားဖြင့် လက်နက်အားကိုးနန့် အာဏာပြ အနိုင်ကျင့်နီကြောင်း ဒေသခံများက ဆိုသည်။
“စစ်ဆီးစွာကတော့ ဆိုင်ကယ်၊ ကား၊ ဖုန်း အားလုံးကို စစ်ပါရေ။ တချို့ဆိုကေ လားခွင့်မပီးလို့ ပြန်လှည့်လာရရေ။ တချို့ကိုတော့ ပါလာရေ ပစ္စည်းတိထဲက သူရို့လိုချင်စွာတိကိုလုယူထားလိုက်တေ။ ညည့်ခါသားဆိုကေ လုံးဝလား လို့မရ။ ယင်းပိုင် အာဏာပြ အနိုင်ကျင့်နီကတ်ပါရေ” ဟု တောကန်ရွာသားတယောက်က APM ကို ပြောသည်။
ယင်းအပြင်အဆိုပါ စစ်ဆီးရီးဂိတ်မှစစ်ကောင်စီတပ်ဖွဲ့ဝင်များသည် မူဆလင်ဒေသခံများဆိုလျှင် မတရား ရိုက်နှက်၊ သတ်ပုတ်မှုများပြုလုပ်ပြီး တခါတရံ ဥပဒေမဲ့ ဖမ်းဆီးချုပ်နှောင်ကာ လူမဆန်စွာ ငွေညှစ်မှုများလေ့ ပြုလုပ်နီသည် ဟု ဒေသခံများက ပြောသည်။
ယင်း တောကန်- သိန်းတန်လမ်းသည် တောကန်၊ သိန်းတန်၊ ရာတန်၊ ကြံတော၊ ဝါဘို၊ ညိုရောင် စသည့်ရွာများမှ ဒေသပြည်သူများ၏ ပညာရီး၊ ကျန်းမာရီး၊ လူမှုရီး စသည့် ကိစ္စရပ်များအတွက် အဓိက အသုံးပြုနီရခြင်းဖြစ်ပြီး အဂုပိုင် စစ်ကောင်စီတပ်က စစ်ဆီးရီးဂိတ်ချလျက် နိုင်ထက်စီးနင်းပြုလုပ်နီခြင်းကြောင့်ဒေသခံများမှာ ယင်းလမ်းကို ဖြတ်သန်းလားလာခြင်း မပြုဝံ့ဘဲ ရရာလမ်းမှ တိမ်းယှောင် လားလာနီကတ်ရကြောင်း သိဟိရသည်။
(Zawgyi)
စစ္ေတြၿမိဳ႕နယ္ ေတာကန္-သိန္းတန္လမ္းတြင္ စစ္ေကာင္စီတပ္က စစ္ဆီးရီးဂိတ္ဖြင့္ၿပီး ေဒသခံျပည္သူမ်ားကို လက္နက္အားကိုးျဖင့္ အႏိုင္က်င့္ ႏွိပ္စက္နီ
APM၊ ဂ်ဴလိုင္ ၂၉/၂၀၂၂
စစ္ေတြၿမိဳ႕နယ္၊ ေတာကန္႐ြာနန႔္သိန္းတန္႐ြာအၾကား ဆက္သြယ္ထားသည့္လမ္းတြင္ စစ္ေကာင္စီတပ္က စခန္းခ် စစ္ဆီးရီးဂိတ္ဖြင့္ၿပီး ေဒသခံမ်ားကို ႏိုင္ထက္စီးနင္းျပဳလုပ္နီေသာေၾကာင့္ ေဒသခံျပည္သူမ်ား လားလာရန္ အခက္ တြိနီရေၾကာင္း သတင္းရဟိသည္။
ယင္း ေတာကန္- သိန္းတန္ကားလမ္း၌ သိန္းတန္စာသင္ေက်ာင္းအနားမွာ ကုန္ခသည့္ ဂ်ဴလိုင္ ၁၀ ရက္နိမွစ၍ စစ္ေတြအၿခီစိုက္စစ္ေကာင္စီတပ္ အမွတ္(၉၀၈) စစ္ၿမီျပင္ အိန္ဂ်င္နီယာတပ္ရင္းမွ တပ္ဖြဲ႕ဝင္မ်ား လာေရာက္ စစ္ဆီးရီးဂိတ္ဖြင့္ထားျခင္းျဖစ္သည္။
ယင္း စစ္ေကာင္စီတပ္ စစ္ဆီးရီးဂိတ္မွ တပ္ဖြဲ႕ဝင္မ်ားသည္ ေဒသခံ လမ္းလားလမ္းလာမ်ားကို ၿခိမ္းေျခာက္ျခင္း၊ ပါလာသည့္ပစၥည္း မ်ားထဲမွ ၎႐ို႕လိုခ်င္သည့္ပစၥည္းမ်ားကို အတင္းအဓမၼလုယူျခင္း၊ ေဒသခံမ်ားကို ျဖတ္သန္းလားလာခြင့္မျပဳဘဲ လွည့္ျပန္ခိုင္းျခင္း စသည္အားျဖင့္ လက္နက္အားကိုးနန႔္ အာဏာျပ အႏိုင္က်င့္နီေၾကာင္း ေဒသခံမ်ားက ဆိုသည္။
“စစ္ဆီးစြာကေတာ့ ဆိုင္ကယ္၊ ကား၊ ဖုန္း အားလုံးကို စစ္ပါေရ။ တခ်ိဳ႕ဆိုေက လားခြင့္မပီးလို႔ ျပန္လွည့္လာရေရ။ တခ်ိဳ႕ကိုေတာ့ ပါလာေရ ပစၥည္းတိထဲက သူ႐ို႕လိုခ်င္စြာတိကိုလုယူထားလိုက္ေတ။ ညည့္ခါသားဆိုေက လုံးဝလား လို႔မရ။ ယင္းပိုင္ အာဏာျပ အႏိုင္က်င့္နီကတ္ပါေရ” ဟု ေတာကန္႐ြာသားတေယာက္က APM ကို ေျပာသည္။
ယင္းအျပင္အဆိုပါ စစ္ဆီးရီးဂိတ္မွစစ္ေကာင္စီတပ္ဖြဲ႕ဝင္မ်ားသည္ မူဆလင္ေဒသခံမ်ားဆိုလွ်င္ မတရား ႐ိုက္ႏွက္၊ သတ္ပုတ္မႈမ်ားျပဳလုပ္ၿပီး တခါတရံ ဥပေဒမဲ့ ဖမ္းဆီးခ်ဳပ္ေႏွာင္ကာ လူမဆန္စြာ ေငြညႇစ္မႈမ်ားေလ့ ျပဳလုပ္နီသည္ ဟု ေဒသခံမ်ားက ေျပာသည္။
ယင္း ေတာကန္- သိန္းတန္လမ္းသည္ ေတာကန္၊ သိန္းတန္၊ ရာတန္၊ ႀကံေတာ၊ ဝါဘို၊ ညိဳေရာင္ စသည့္႐ြာမ်ားမွ ေဒသျပည္သူမ်ား၏ ပညာရီး၊ က်န္းမာရီး၊ လူမႈရီး စသည့္ ကိစၥရပ္မ်ားအတြက္ အဓိက အသုံးျပဳနီရျခင္းျဖစ္ၿပီး အဂုပိုင္ စစ္ေကာင္စီတပ္က စစ္ဆီးရီးဂိတ္ခ်လ်က္ ႏိုင္ထက္စီးနင္းျပဳလုပ္နီျခင္းေၾကာင့္ေဒသခံမ်ားမွာယင္း လမ္း ကို ျဖတ္သန္းလားလာျခင္း မျပဳဝံ့ဘဲ ရရာလမ္းမွ တိမ္းေယွာင္ လားလာနီကတ္ရေၾကာင္း သိဟိရသည္။
