APM ၊ ဧပြီ ၂၉ / ၂၀၂၃
ရီးရဲကွင်းလယ်ကဇတ်သမား လူကာမိုဒရစ်သည် ဧပြီ ၂၆ ရက်နိက ကဇတ်ခသည့် ဂီရိုနာ နန့်ပွဲတွင် ဘယ်ခြီ ပေါင်ဒဏ် ရာရဟိခသည့်အတွက် နှစ်ပတ်လောက် အနားယူရမည်ဟု ရီးရဲအသင်းက အတည်ပြုသည်။
အဆိုပါဒဏ်ရာကြောင့် မိုဒရစ်သည် အယ်လ်မေးရီးယား ၊ ဆိုဆီဒက် နန့်ပွဲကို လွဲချော်မည်ဖြစ်ပြီး၊ မေ ၆ ရက်နိ အိုဆာဆူနာ အသင်းနန့် ကဇတ်မည့် ကိုပါဒယ်ရေးဖိုင်နယ်ပွဲတွင်လေ့ အချိန် မီ မပါဝင်နိုင်မည်ကို အသင်းကစိုးရိမ်နီသည်။
“မိုဒရစ်က ဒဏ်ရာပြဿနာကြောင့် နောက်ထပ်ကဇတ်ရဖို့ ပွဲတချို့ကိုလွဲချော်ဖို့ဟိနီပါရေ။ သူက အသင်းအတွက် အားကိုး အားထားရရေ ကဇတ်သမားတယောက်ပါ” ဟု ရီးရဲနည်းပြ အန်ဆယ်လော့တီက ပြောသည်။
အသက် ၃၇ နှစ်အရွယ် ခရိုအေးသျှားလက်ရွီးစင် မိုဒရစ်သည် ရီးရဲအသင်း ၏အဓိက ကဇတ်သမား တယောက် ဖြစ်ပြီး၊ အသင်းနန့်တတူ ချန်ပီယံလိဂ် (၅) ကြိမ် ရယူထားသည့်အပြင် ဒေဂုရာသီမှာ အသင်းအတွက် ၄၄ ပွဲကဇတ်ရာ ၆ ဂိုးသွင်း ယူထားသည်။
Source – Luka Modric set to be sidelined for two weeks with muscular injury
Photo – AP
