APM ၊ မာ့ချ် ၂၉ / ၂၀၂၃
မန်ယူအသင်းနည်းပြဟောင်း ဆာအဲလက်စ်ဖာဂူဆန်နန့် အာဆင်နယ်နည်းပြဟောင်း အာစင်ဝင်းဂါးရို့သည် ပရီးမီး ယားလိဂ်ခန်းမ Hall of Fame တွင် ကျော်ကြားသူများအဖြစ် ရွီးချယ်ခံခရကြောင်းသိရသည်။
မန်ယူဂန္ဓဝင်နည်းပြကြီးဖာဂူဆန်သည် ပရီးမီးယားလိဂ်သမိုင်းတွင် (၁၃) ကြိမ်တိုင်တိုင် အအောင်မြင်ဆုံး နည်းပြအဖြစ် သမိုင်းတွင်ခကာ၊ အာဆင်နယ်ဂန္ဓဝင်နည်းပြကြီးအာဆင်ဝင်းဂါးသည်လေ့ အာဆင်နယ် အသင်းကို ကိုင်တွယ်ခသည့် ၂၂ နှစ်တာကာလအတွင်း လိဂ်ဖလား (၃) ကြိမ်ရဟိခသည့်အတွက် Hall of Fame ခန်းမထဲတွင် ရွီးချယ်ခံရသည့် ပထမဆုံး နည်းပြနှစ်ယောက်ဖြစ်ကြောင်းသိရသည်။
အဆိုပါခန်းမတွင်ရွိးချယ်ခံရမှုနန်ပတ်သတ်၍ မန်ယူအသင်းကို ၁၉၈၆ ခုနှစ်ကနီ ၂၀၁၃ ခုနှစ်အထိ ကိုင်တွယ်သည့် အသက် ၈၁ နှစ်အရွယ်နည်းပြဖာဂူဆန်က “ ဒေပိုင်အသိမှတ်ပြုခံရစွာက မန်ယူမှာနှစ်ပေါင်းများစွာနီခရေကာလက အောင်မြင်မှုတိ ကြောင်းပါ။ ယေဇူးနန့် ဝန်ထမ်းတိ၊ ကဇတ်သမားတိအတွက်လေ့ ဂုဏ်ယူမိပါရေ”ဟု ပြောကြား ခသည်။
ယင်းနည်းတူ အာဆင်နယ်သို့ ၁၉၉၆ ခုနှစ်ကစရောက်လာသည့် အသက် ၇၃ နှစ်အရွယ် အာဆင်နယ် နည်းပြ အာဆင်ဝင်း ဂါးကလေ့ “ ကျနော်အနီနန့် အာဆင်နယ်ကို လူသိများပြီးကေ ကလပ်၏တန်ဖိုး တိကို တိုးတက်အောင် မြှင့်တင်ပနာထားခ ချင်စွာပါ။ ဒေဂုရွီးချယ်ခံရစွာကို ဆာအဲလက်စ်နန့်အတူတူ ဝီမျှခွင့်ရလို့ ဂုဏ်ယူပါရေ” ဟု ပြော ကြားခသည်။
ဂုဏ်ပြုခြင်းခံရသူများကိုမှတ်တမ်းတင်ထားသည့်အဆောက်အဦး Hall of Fame ခန်းမကို ဂန္ဓဝင်ဘောလုံး ကဇတ်သမား များမှ ၂၀၂၁ နှစ်တွင်စတင်ဖွင်ဖွင့်လှစ်ခပြီး၊ ပြီးခသည့်နှစ်က ဆာဂျီယို အဂူရို၊ ဒီဒီယာဒရော့ဘာ၊ ဗင်းဆင့် ကွန်ပနီ၊ ဝိန်းရွန်နီ၊ ပီတာရှမီချယ်၊ ပေါလ်စခိုး၊ ပက်ထရစ် ဗီအဲရာနန့် အီယန်ရိုက်စသည့် ဂန္ဓဝင်ကဇတ်သမား များသည်လေ့ အဆို ပါခန်းတွင် ရွီးချယ်ခံထားရကြောင်းသိရသည်။
Source – Sir Alex Ferguson and Arsene Wenger inducted into Premier League Hall of Fame
Photo – bbc sports
