APM ၊ ဒီဇမ်ဘာ ၂၉ / ၂၀၂၂
ကမ္ဘာ့ဖလားချန်ပီယံ အာဂျင်တီးနားအသင်း၏ ကွင်းလယ်ကဇတ်သမား အန်ဇိုဖာနန်ဒက်စ်ကို ရမည်ဆိုပါက ၎င်းအတွက် စာချုပ်ဖျက်သိမ်းကြေး ပေါင် ၁၀၆ သန်း ပီးမည်ဟု ချဲလ်ဆီးက ပြောဆိုလိုက်သည်။
လက်ဟိတွင် ဖာနန်ဒက်စ်ကို ခေါ်ယူရီးအတွက် ဖာနန်ဒက်စ်၏ “ဘင်ဖီကာ”အသင်းနန့် ချဲလ်ဆီး ဆွေးနွေးနီကတ် သည်ဟု သိရသည်။
ပေါ်တူဂီကလပ် ဘင်ဖီကာအသင်းသည် ဖာနန်ဒက်စ်ကို လက်မလွှတ်ချင်ကေလေ့ ချဲလ်ဆီးဖက်မှ စာချုပ်ဖျက် သိမ်းကြေး ပေါင် ၁၀၆သန်းပီးလာသဖြင့် အပြောင်းအရွှိကိစ္စကို လက်ခံဆွေးနွေးလျက်ဟိပြီး၊ မီဒီယာတချို့က တော့ ချဲလ်ဆီးနန့် ဘင်ဖီကာရို့ သဘောတူညီမှုရဟိလားကြောင်း ဖော်ပြနီကတ်သည်။
အသက် ၂၁ နှစ်အရွယ် ကွင်းလယ်လူ အန်ဇိုဖာနန်ဒက်စ်သည် ကုန်ခသည့် ၂၀၂၂ ကမ္ဘာ့ဖလားမှာ “အကောင်းဆုံး လူငယ်ကဇတ်သမားဆု”ကို ရဟိထာပြီး၊ လူငယ်ကဇတ်သမားများဖြင့် အသင်းကို တည်ဆောက်လိုသော ချဲလ်ဆီး သည် အသင်းမှ ထွက်ခွာမည့် ကန်တေနန့် ဂျော်ဂျင်ဟိုရို့ နီရာတွင် အစားထိုးရန် ဖာနန်ဒက်စ်ကို ခေါ်ယူလိုနီခြင်း ဖြစ်သည်။
ဖာနန်ဒက်စ်သည် အာဂျင်တီးနားကလပ် ရေးဗားပလိတ်မှ ပြီးခသည့်နွီရာသီက ပြောင်းရွှိကြေးပေါင် ၈.၅ သန်းဖြင့် ဘင်ဖီကာသို့ရောက်ဟိခပြီး၊ ဘင်ဖီကာ၏ လိဂ်ပွဲစဉ်အားလုံးကို ကဇတ်ထားသကဲ့သို့၊ ချန်ပီယံလိဂ် အုပ်စုပွဲစဉ် များ၌လေ့ ခြီစွမ်းပြထားသူ ဖြစ်သည်။
အလားတူ မန်ယူနန့် နယူးကာဆယ်အသင်းရို့ကလေ့ အန်ဇိုဖာနန်ဒက်စ်ကို ခေါ်ယူရန် စိတ်ဝင်စားနီပြီး၊ ငွေကြေး အခြေအနေကို ချိန်ဆနီကတ်ကြောင်း သိရသည်။
Photo – Football 365
