APM၊ ဩဂတ်စ် ၂၈/၂၀၂၂
မြောက်ဦးတွင် ဒေနိ(ဩဂတ်စ် ၂၈ ရက်နိ) ညဇာ ၄ နာရီကျော်က စစ်ကောင်စီတပ် ပစ်ခတ်လိုက်သော လက်နက် ကြီးကျည် ကျရောက်ပေါက်ကွဲမှုကြောင့် (၅)နှစ်အရွယ် အချေတယောက်အပါအဝင် အပြစ်မဲ့ဒေသခံနှစ်ယောက် သီဆုံးလားကာ ၈ယောက်ထက်မနည်းဒဏ်ရာရလားကြောင်း သိရသည်။
သီဆုံးလားသူများမှာ မြောက်ဦးမြိုနယ်ကင်းဆိပ်ရွာမှ ဒေါ်အေးယဉ်နု(၆၉နှစ်)နန့် မောင်မြတ်သူလင်း (၅နှစ်)ရို့ဖြစ် ပြီး၊ မြောက်ဦးအခြီစိုက်စစ်ကောင်စီတပ် ခမရ (၃၇၇) နန့် (၃၇၈) တပ်ရင်းမှ ကင်းဆိပ်ရွာသို့ လက်နက် ကြီးများနန့် ရည်ရွယ်ချက်ဟိဟိ ပစ်ခတ်တိုက်ခိုက်ခခြင်းဖြစ်သည်။
ယင်း လက်နက်ကြီးကျည်သည် ကင်းဆိပ်ရွာလယ်လမ်းသို့ကျရောက်ပေါက်ကွဲပြီး ဒေါ် အေးယဉ်နု၏ ခါးနန့် ဘေးစ တွင် လက်နက်ကြီးကျည်စ ထိမှန်လား၍ နီရာတွင်ပင် ပွဲချင်းပြီးသီဆုံးလားကာ မောင်မြတ်သူလင်းမှာတော့ ဂေါင်း နန့်ခန္ဓာကိုယ်အနှံ့တွင်ဒဏ်ရာရလား၍ မြောက်ဦးဆီးရုံသို့ပို့ဆောင်ရာ ဆီးရုံအရောက်တွင်အသက်ဆုံးလား ခသည် ဟုရွာသားများက ပြောသည်။
ယင်းအပြင် အမျိုးသား ၄ ယောက် ၊ အမျိုးသမီး ၄ ယောက်မှလေ့ လက်နက်ကြီးထိမှန်ပြီး ယင်းအထဲက ၄ ယောက် မှာ ဒဏ်ရာ ပြင်းပြင်းထန်ထန် ရဟိလားသဖြင့် မြောက်ဦးဆီးရုံသို့ပို့ဆောင်ထားကြောင်းလေ့ သိရသည်။
လက်ဟိတွင် မြောက်ဦးအခြီစိုက် တပ်ရင်းများက လက္ကာ၊ ဘူးရွက်မညှိုး ကျေးရွာများဘက်သို့ လက်နက်ကြီးများ ဖြင့် ဆက်တိုက် ပစ်ခတ်နီ၍ ရွာသားများမှာ ဘေးလွတ်ရာသို့ ထွက်ဗြီးနီရသည်ဟု ဒေသခံများကဆိုသည်။
ကုန်ခသည့် ဩဂတ်စ် ၂၇ ရက်နိကလေ့ မောင်တောမြို့နယ်မြောက်ပိုင်း အောင်စစ်ပြင်ရွာအခြီစိုက် စစ်ကောင်စီ နယ်ခြားစောင့်တပ် နခခ (၇) တပ်ရင်းမှ ပစ်ခတ်လိုက်သည့် လက်နက်ကြီးကျည် ကျရောက်ပေါက်ကွဲမှုကြောင့် မင်းကြီးကျေးရွာမှ အပြစ်မဲ့ဒေသခံအမျိုးသမီးတယောက် နီရာ၌ပင် ပွဲချင်းပြီး သီဆုံးခရသိမ့်သည်။
လက်ဟိ ရက္ခိုင်ပြည်တွင် စစ်ကောင်စီတပ်သည် ရက္ခိုင့်တပ်တော် AA အား ပြင်းပြင်းထန်ထန် ထိုးစစ်ဆင်လျက် ဟိရာ စစ်အင်အားအလုံးအရင်းဖြင့်ဂျက်တိုက်လီယာဉ်များကိုပါအသုံးပြု ၍ တိုက်ခိုက်လာနီသည့်အပြင် ရပ်ရွာများ အထဲသို့လက်နက်ကြီးများဖြင့်ပစ်ခတ်ခြင်း၊လမ်းပိတ်ဆို့၍စားနပ်ရိက္ခာများဖြတ်တောက်ခြင်း၊ အပြစ်မဲ့ပြည်သူများ ကိုမတရားဖမ်းဆီးနှိပ်စက်သတ်ဖြတ်ခြင်း၊ လူသားဒိုင်းကာ အဖြစ်အသုံး ပြုခြင်း များကိုပါ လူမဆန်စွာ လုပ်ဆောင် နီကြောင်း သိဟိရသည်။
(Zawgyi)
ေျမာက္ဦးတြင္ စစ္ေကာင္စီတပ္ ပစ္လိုက္ေသာ လက္နက္ႀကီးက်ည္ က်ေရာက္ေပါက္ကြဲ၍အေခ် တေယာက္ အပါအဝင္ အျပစ္မဲ့ ေဒသခံႏွစ္ေယာက္ ပြဲခ်င္းၿပီး သီဆုံး၊ ၈ေယာက္ထက္မနည္း ဒဏ္ရာရ
APM၊ ဩဂတ္စ္ ၂၈/၂၀၂၂
ေျမာက္ဦးတြင္ ေဒနိ(ဩဂတ္စ္ ၂၈ ရက္နိ) ညဇာ ၄ နာရီေက်ာ္က စစ္ေကာင္စီတပ္ ပစ္ခတ္လိုက္ေသာ လက္နက္ ႀကီးက်ည္ က်ေရာက္ေပါက္ကြဲမႈေၾကာင့္ (၅)ႏွစ္အ႐ြယ္ အေခ်တေယာက္အပါအဝင္ အျပစ္မဲ့ေဒသခံႏွစ္ေယာက္ သီဆုံးလားကာ ၈ေယာက္ထက္မနည္းဒဏ္ရာရလားေၾကာင္း သိရသည္။
သီဆုံးလားသူမ်ားမွာ ေျမာက္ဦးၿမိဳနယ္ကင္းဆိပ္႐ြာမွ ေဒၚေအးယဥ္ႏု(၆၉ႏွစ္)နန႔္ ေမာင္ျမတ္သူလင္း (၅ႏွစ္)႐ို႕ျဖစ္ ၿပီး၊ ေျမာက္ဦးအၿခီစိုက္စစ္ေကာင္စီတပ္ ခမရ (၃၇၇) နန႔္ (၃၇၈) တပ္ရင္းမွ ကင္းဆိပ္႐ြာသို႔ လက္နက္ ႀကီးမ်ားနန႔္ ရည္႐ြယ္ခ်က္ဟိဟိ ပစ္ခတ္တိုက္ခိုက္ချခင္းျဖစ္သည္။
ယင္း လက္နက္ႀကီးက်ည္သည္ ကင္းဆိပ္႐ြာလယ္လမ္းသို႔က်ေရာက္ေပါက္ကြဲၿပီး ေဒၚ ေအးယဥ္ႏု၏ ခါးနန႔္ ေဘးစ တြင္ လက္နက္ႀကီးက်ည္စ ထိမွန္လား၍ နီရာတြင္ပင္ ပြဲခ်င္းၿပီးသီဆုံးလားကာ ေမာင္ျမတ္သူလင္းမွာေတာ့ ေဂါင္း နန႔္ခႏၶာကိုယ္အႏွံ႔တြင္ဒဏ္ရာရလား၍ ေျမာက္ဦးဆီး႐ုံသို႔ပို႔ေဆာင္ရာ ဆီး႐ုံအေရာက္တြင္အသက္ဆုံးလား ခသည္ ဟု႐ြာသားမ်ားက ေျပာသည္။
ယင္းအျပင္ အမ်ိဳးသား ၄ ေယာက္ ၊ အမ်ိဳးသမီး ၄ ေယာက္မွေလ့ လက္နက္ႀကီးထိမွန္ၿပီး ယင္းအထဲက ၄ ေယာက္ မွာ ဒဏ္ရာ ျပင္းျပင္းထန္ထန္ ရဟိလားသျဖင့္ ေျမာက္ဦးဆီး႐ုံသို႔ပို႔ေဆာင္ထားေၾကာင္းေလ့ သိရသည္။
လက္ဟိတြင္ ေျမာက္ဦးအၿခီစိုက္ တပ္ရင္းမ်ားက လကၠာ၊ ဘူး႐ြက္မညႇိဳး ေက်း႐ြာမ်ားဘက္သို႔ လက္နက္ႀကီးမ်ား ျဖင့္ ဆက္တိုက္ ပစ္ခတ္နီ၍ ႐ြာသားမ်ားမွာ ေဘးလြတ္ရာသို႔ ထြက္ၿဗီးနီရသည္ဟု ေဒသခံမ်ားကဆိုသည္။
ကုန္ခသည့္ ဩဂတ္စ္ ၂၇ ရက္နိကေလ့ ေမာင္ေတာၿမိဳ႕နယ္ေျမာက္ပိုင္း ေအာင္စစ္ျပင္႐ြာအၿခီစိုက္ စစ္ေကာင္စီ နယ္ျခားေစာင့္တပ္ နခခ (၇) တပ္ရင္းမွ ပစ္ခတ္လိုက္သည့္ လက္နက္ႀကီးက်ည္ က်ေရာက္ေပါက္ကြဲမႈေၾကာင့္ မင္းႀကီးေက်း႐ြာမွ အျပစ္မဲ့ေဒသခံအမ်ိဳးသမီးတေယာက္ နီရာ၌ပင္ ပြဲခ်င္းၿပီး သီဆုံးခရသိမ့္သည္။
လက္ဟိ ရကၡိဳင္ျပည္တြင္ စစ္ေကာင္စီတပ္သည္ ရကၡိဳင့္တပ္ေတာ္ AA အား ျပင္းျပင္းထန္ထန္ ထိုးစစ္ဆင္လ်က္ ဟိရာ စစ္အင္အားအလုံးအရင္းျဖင့္ဂ်က္တိုက္လီယာဥ္မ်ားကိုပါအသုံးျပဳ ၍ တိုက္ခိုက္လာနီသည့္အျပင္ ရပ္႐ြာမ်ား အထဲသို႔လက္နက္ႀကီးမ်ားျဖင့္ပစ္ခတ္ျခင္း၊လမ္းပိတ္ဆို႔၍စားနပ္ရိကၡာမ်ားျဖတ္ေတာက္ျခင္း၊ အျပစ္မဲ့ျပည္သူမ်ား ကိုမတရားဖမ္းဆီးႏွိပ္စက္သတ္ျဖတ္ျခင္း၊ လူသားဒိုင္းကာ အျဖစ္အသုံး ျပဳျခင္း မ်ားကိုပါ လူမဆန္စြာ လုပ္ေဆာင္ နီေၾကာင္း သိဟိရသည္။
