APM ၊ ဂျူလိုင် ၂၈ / ၂၀၂၃
ရက္ခိုင်ဟိ မုန်တိုင်းသင့်စစ်ဖီးယှောင်စခန်းများတွင် လက်ဟိ၌ ဖောင်သာမလုံလောက်မှုကို ဆိုးဆိုးဝါးဝါး ရင်ဆိုင်နီကတ်ရပြီး ချီးဖောင်သာများဆောင်လုပ်ရန် အရေးတကြီးလိုအပ်နီကြောင်း သိရသည်။
ရက္ခိုင်တွင် မေ ၁၄ ရက်နိကတိုက်ခတ်ခသည့် Mocha ဆိုင်ကလုန်းမုန်တိုင်းကြောင့် မုန်တိုင်းဖြတ်သန်းရာလမ်းကြောင်းဟိ မြို့နယ်များမှ စစ်ဖီးယှောင်စခန်းအားလုံးနီးပါးတွင် ချီးဖောင်သာများပင်မကျန် ဆိုးဆိုးဝါးဝါးပျက်စီးခရသည်။
မုန်တိုင်းအပြီး နှစ်လကျော်ကြာလာသည့်လက်ဟိအချိန်၌ ယင်းစစ်ဖီးယှောင်စခန်းများတွင် လူနီအိမ်များကို ပြည်တွင်း/ ပြည်ပ အဖွဲ့အစည်းများ၏ အကူအညီစကေနန့် ယာယီပြန်ပျင်ထားသည့်တိုင် ပျက်စီးခရသည့် ချီးဖောင်သာများမှာ မပြုပျင်နိုင်ဘဲ အခက်ကြုံနီကတ်ရကြောင်း စစ်ဖီးယှောင်များက ပြောသည်။
ရက္ခိုင်တွင် လူရာချီဟိသည့် စစ်ဖီးယှောင်စခန်းအများအပြားဟိနီပြီး၊ ချီးဖောင်သာမလုံလောက်မှုကြောင့် စစ်ဖီးယှောင် အများစုမှာ ဝမ်းရောဂါများဖြစ်ပွားလာနီသည်ဟု ဆိုသည်။
ယင်းအပြင် အမျိုးသမီးများနန့် သက်ကြီးရွယ်အိုများမှာလေ့ အကြီး အကျယ်ဒုက္ခဖြစ်ကတ်ရပြီး ချီးဖောင်သာများ ဆောက်လုပ်ရန် အရေး တကြီးလိုအပ်နီသည်။
ရက္ခိုင်တွင် လက်ဟိအချိန်ထိ နီရပ်မပြန်နိုင်သိမ့်သော စစ်ဖီးယှောင်ဦးရေ ခုနှစ်သောင်းကျော်ကျန်နီသိမ့်ကြောင်း သိဟိရသည်။
