APM ၊ ဧပြီ ၂၈ / ၂၀၂၃
ဧပြီ ၂၆ ရက်နိက မန်စီးတီးအသင်းကို ယှုံးနိမ့်ခကေလေ့ ပရီးမီးယားလိဂ် ချန်ပီယံဆုအတွက် အဆုံးထိတိုက်ပွဲ ဝင်လားမည်ဟု အာဆင်နယ် ဗဟိုနောက်ခံလူ ဂါဘရီရယ်က ပြောဆိုလိုက်သည်။
“ကျနော်က ဒေကလပ်အသင်းကို ချစ်ပါရေ။ အာဆင်နယ်အသင်းကို ကျနော့် အိမ်လို့ ခံစားရရေပိုင် အသင်းသားတိ အားလုံးကိုလေ့ ချစ်ပါ ရေ။ အသင်းနန့်တတူ ဆုဖလားတိအများကြီးယူချင်ပါရေ။ ယင်းကြောင့်လေ့ ချန်ပီယံဆုအတွက် လက်မလျော့ဘဲ အဆုံးထိ တိုက်ပွဲ ဝင်လားပါဖို့” ဟု ဂါဘရီရယ်က ထုတ်ဖော်ပြောဆိုခသည်။
အာဆင်နယ်အသင်းသည် ပရီးမီးယားလိဂ်ပွဲစဉ် (၃၃)တွင် ပြိုင်ဖက် မန်စီးတီးအသင်းကို ၄ ဂိုး ၁ ဂိုးနန့် ယှုံးနိမ့် ခပြီးနောက် ချန်ပီယံဖြစ်ဖို့အလားအလာ လျော့နည်းလားသည်။
လက်ဟိတွင် အာဆင်နယ်အသင်းသည် ပရီးမီးယားလိဂ်အမှတ်ပီးဇယားကို ရမှတ် ၇၅ မှတ်ဖြင့် ဆက်လက် ဦးဆောင် ထားကေလေ့ ဒုတိယနီရာက မန်စီးတီးအသင်းမှာ ၂ ပွဲလျော့ကဇတ်ထားပြီး ရမှတ် ၇၃ မှတ်ရဟိ ထားသည်။
အာဆင်နယ်အသင်းသည် လက် ကျန်ပွဲစဉ်များအဖြစ် ဘရိုက်တန်၊ နယူးကာဆယ်၊ ချဲယ်ဆီး စသည့်အသင်းများနန့် ယှဉ်ပြိုင်ရန် ကျန်နီသိမ့်ပြီး လာမည့် မေ ၃ ရက်နိတွင် ချဲယ်ဆီးအသင်းနန့် ယှဉ်ပြိုင်ရမည်ဖြစ်သည်
Source – Gabriel Magalhaes sends emotional message after Arsenal’s crushing defeat to Man City
Photo – Football. London
