APM ၊ မာ့ချ် ၂၈ / ၂၀၂၄
မာ့ချ် ၂၇ ရက်နိမာ ရန်ကုန်မှ ရက္ခိုင်ပြည်၊ကျောက်ဖြူသို့ လီကြောင်းနန့် ပြန်လာရေအပြစ်မဲ့ပြည်သူ ၃ ယောက်ကို သံတွဲလီဆိပ်မာ အကြမ်းဖက်စစ်ကောင်စီ ဖမ်းဆီးလားကြောင်းသိရပါရေ။
အဖမ်းခံရရေ လူ ၃ ယောက်စွာ ကျောက်ဖြူမြို့နယ်၊ စနဲတိုက်နယ်၊ မြို့ချွိန်ရွာက ဦးကျော်လင်း(၄၃ နှစ်)၊ ကိုကျော်ဇောအောင် (၂၇ နှစ်) နန့် ကို ကိုကိုထွေး(၂၃ နှစ်)ရို့ဖြစ်ကတ်ပါရေ။
ကုန်ခရေ မာ့ချ် ၂၆ ရက်နိက ဦးကျော်လင်း၊ ကိုကျော်ဇောအောင်နန့် ကို ကိုကိုထွေးရို့စွာ ရန်ကုန်မှ ကျောက်ဖြူသို့ လီယာဉ်နန့်ပြန်လာစဉ် မာ့ချ် ၂၇ ရက်နိ၊ သံတွဲလီဆိပ်မာ အကြမ်းဖက်စစ်ကောင်စီက မတရားဖမ်းဆီးခစွာလို့ သိရပါရေ။
အကြမ်းဖက်စစ်ကောင်စီ၏ ဖမ်းဆီးခြင်းကိုခံရရေ အဆိုပါ အပြစ်မဲ့ပြည်သူ ၃ ယောက်စွာ မလေးသျှားမာ အလုပ်လုပ်ယင်း ဖမ်းဆီးခံခရပြီး၊ မာ့ချ် ၂၁ ရက်နိမာ မလေးသျှားအစိုးရအစီအစဉ်နန့် ရန်ကုန်သို့ ပြန်ပို့လိုက်တေလူတိလို့လည်း သိဟိရပါရေ။
