APM ၊ မာ့ချ် ၂၈ / ၂၀၂၃
တရုတ်အကြီးတန်းသံတမန် ဝမ်ယိနန့် အာဆီယံအထွေထွေအတွင်းရီးမှူးချုပ် ခါအိုခင်မ်ဟွန်း ရို့သည် ကုန်သွယ်မှုနန့် ဆက်ဆံမှုပိုမိုတိုးတက်ကောင်းမွန်ရီးအတွက် မာ့ချ် ၂၇ ရက်နိက ပေကျင်း၌ တွိဆုံခကတ်သည်။
ယင်းတွိဆုံမှုအတွင်း ဝမ်ယိက တရုတ်နိုင်ငံသည် အာဆီယံပေါင်းစည်းရီးနန့် စည်းလုံးညီညွတ်ရီးကို ဆက်လက်ပံ့ပိုး လားမည်ဟုပြောသည်။
ဝမ်ယိက “တရုတ်သည်အာဆီယံ၏ အကြီးဆုံးအိမ်နီးချင်းဖြစ်သည့်အား လျော်စွာ အာဆီယံအပေါ်စိတ်ရင်းအမှန် နန့် ကိုယ်ကျိုးမဖက်ဘဲ ထောက်ခံလျက်ဟိပါကြောင်း၊မဟာဗျူဟာမြောက်လွတ် လပ်ရီးနန့် ဖွံ့ဖြိုးတိုးတက်ရီးအတွက် စည်း လုံးညီညွတ်မှုကို ပံ့ပိုးကူညီလားမည်ဖြစ်ကြောင်း၊ အာဆီယံဗဟိုပြုဒေသတွင်း ပူးပေါင်းဆောင်ရွက် ရီဗိသုကာကို ထိန်းသိမ်းရာတွင်လေ့ အစွမ်းကုန် ပံ့ပိုးကူညီလားမည်ဖြစ်ကြောင်း” ဆိုသည်။
အာဆီယံအတွင်းရီးမှူးချုပ်က “တရုတ်သည်အာဆီယံ၏အိမ်နီးချင်းကောင်း မိတ်ဆွေကောင်းဖြစ်ပြီး ယုံကြည်စိတ်ချ ရသော ရီရှည်ပူးပေါင်းဆောင်ရွက်ရီးမဟာ မိတ်ဖက်ဖြစ်ကြောင်း၊ မိမိရို့အကြား ပူးပေါင်းဆောင်ရွက်မှုသည် လေးနက် သောအခြီခံအုတ်မြစ်၊ ကျယ်ပြန့်သောနယ်ပယ်များနန့် အသီးအပွင့်ရလဒ်များကို ခံစားရကြောင်းနန့် မိတ်ဖက်နိုင်ငံ ခိုင်မာစီ ရီးပံ့ပိုးပီးသောအကူ အညီကိုကျေးဇူးတင်ဟိကြောင်း” တုံ့ပြန် ပြောဆိုသည်။
ကူးသန်းရောင်းဝယ်ရီးအရ အာဆီယံသည် ၂၀၂၂ ခုနှစ်တွင် တရုတ်နန့်အကြီးမားဆုံး ကုန်သွယ်ဖက်ဖြစ်ခပြီး တရုတ် အကောက်အခွန်၏အချက်အလက်များအရ နှစ်ဖက်စလုံးမှာ ပြီးခသည့်နှစ်က သွင်းကုန်နန့် တင်ပို့မှု ၁၅ ရာခိုင်နှုန်းတိုး လာခသည်ဟု သိရသည်။
Source – a Senior Chinese diplomat meets ASEAN secretary-general
Photo – Xinhua
