APM ၊ ဒီဇမ်ဘာ ၂၈ / ၂၀၂၂
ဒေနိခါစောစောဖက် အိမ်ကွင်းမှာ ကဇတ်ခသည့် နော်တင်ဟမ်ဖောရက်စ် နန့် ပွဲစဉ်မှာ မန်ယူဖက်က ဖော ရက်စ်ကို (၃ ဂိုး-ဂိုးမဟိ) နန့် အနိုင်ရခကေလေ့ အသင်း၏ အဆုံးသတ်စွမ်းဆောင်ရည်ကို အားမရသိမ့်ကြောင်း မန်ယူနည်းပြ တန်ဟက်က ပြောဆိုသည်။
“မန်ယူအနီနန့် အေထက်ပိုပြီးကေ ဂိုးရသင့်ရေ။ ဂိုးသွင်းဖို့ အခွင့်အရေးတိ မကန်ဟိခကေလေ့ တတိယဂိုးကို ပွဲ ပြီးခါနီးမှရာ သွင်းယူနိုင်ခရေ။ အကယ်တန္တိ ဒုတိယပိုင်းမှာ ဂိုးသွင်းဖို့အခွင့်အရေး (၂) ကြိမ်ကိုရာ အသုံးချနိုင် ခကေ ကဇတ်ရစွာ ပိုကောင်းလားဖို့ပါ။ ယေဇူးနန့် အသင်းအနီနန့် အဆုံးအဖြတ်ဂိုးတိကိုသွင်းခါ ပိုပြီးကေ သေချာဖို့ လိုအပ်တေ” ဟု တန်ဟက်က ဆိုသည်။
နော်တင်ဟမ်ဖောရက်စ် နန့်ကဇတ်ခရေ ပရီးမီးယားလိဂ်ပွဲစဉ် ပထမပိုင်းမှာ မန်ယူအတွက် ဉီးဆောင်သွင်းဂိုး ၂ ဂိုးကို ရက်ရှ်ဖို့ နန့် မာချယ်က သွင်းယူခပြီး၊ တတိယဂိုးအဖြစ် ဒုတိယပွဲစဉ် ၈၇ မိနစ်မှာ ကက်ဆီမဲရိုး၏ ဖန်တီး ဂိုးကို ဖရက်ဒ်က သွင်းယူပီးခသည်။
သို့သော်လေ့ မန်ယူနည်းပြ တန်ဟက်ကတော့ သူ့အသင်းသားများအနေဖြင့် အေဂုထက်မက စွမ်းဆောင် နိုင်သည်ဟု အခိုင်အမာ ယုံကြည်နီပြီး၊ ဒေထက် လုပ်ဆောင်သင့်သည်ဟု ဆိုသည်။
တန်ဟက်က “ကျနော်ရို့မှာ ဂိုးသွင်းနိုင်ရေ ဇတ်သမားတိ အများကြီးဟိပါရေ။ ယေကေလေ့ ကျနော်ရို့ အေဂု ထက် ပြင်းပြင်းထန်ထန် ကြိုးစားဖို့ လိုနီပါသိမ့်ရေ”ဟု ပြောဆိုလားခသည်။
လက်ဟိမှာ မန်ယူအသင်းသည် ပရီးမီးယားလိဂ်ပွဲစဉ်၏ အဆင့် (၅) နီရာ၌ ရပ်တည်နီကြောင်း သိဟိရသည်။
Photo – The Guardian
