APM ၊ ဂျန်နဝါရီ ၂၈ / ၂၀၂၃
ရသေ့တောင်မြို့နယ်၊ စေတီပြင်ရွာတွင် ဒေနိ(ဂျန်နဝါရီ ၂၈ ရက်)မိုးထ ၈ နာရီခန့်က မီးလောင်မှုတခု ဖြစ်ပွားခပြီး၊ နီအိမ် ၃ ဆောင် မီးလောင်ပြာကျလားကြောင်း သိရသည်။
မီးလောင်ပြာကျလားသည့်နီအိမ်များမှာ ဦးကျော်ဝင်းယေ၊ ဦးမောင်ခင်သန်းနန့် ဦးကျော်ဝင်းရို့၏ နီအိမ်များဖြစ် သည်။
ဖြစ်စဥ်မှာ ဦးကျော်သန်းယေ နီအိမ်တွင် ငှားရမ်းနီထိုင်သည့် ဆယ်တန်းကျောင်းသားတဦး ဖယောင်းတိုင်မီးဖြင့် စာဖတ်ရာမှ စတင်လောင်ကျွမ်းခခြင်းဖြစ်ကာ ယင်းမှတဆင့် ဘေးချင်းကပ်နီအိမ်များဖြစ်သည့် ဦးမောင်ခင်သန်း နန့် ဦးကျော်ဝင်း ရို့၏ နီအိမ်များသို့ ကူးစက်လောင်ကျွမ်းလားခြင်းဖြစ်သည်။
ယင်းသို့ ကူးစက်လောင်ကျွမ်းမှုကြောင့် နီအိမ် ၃ ဆောင်လုံး မီးလောင်ပြာကျလားခပြီး၊ မီးကိုတော့ ရပ်သူရွာသား များမှ စုပေါင်းငြိမ်းသတ်မှုဖြင့် ဒေနိမိုးထ ၉ နာရီခွဲ၌ ငြိမ်းသတ်နိုင်ခကြောင်း သိဟိရပါသည်။
Please follow and like us:
