APM ၊ စပ်တမ်ဘာ ၂၇ / ၂၀၂၃
လက်စတာအသင်း နည်းပြသစ် အန်ဇို မာရက်စကာ က လီဗာပူးအသင်းစွာ ကမ္ဘာ့တန်ပြန်တိုက်စစ် အကောင်းဆုံးအသင်း တသင်းဖြစ်ကြောင်း သူ့၏ပထမဆုံး သတင်းစာယှင်းလင်းပွဲမာ ပြောကြားလိုက်ပါရေ။
နည်းပြ ယာဂင်ကလော့ပ် က လီဗာပူးကို ကမ္ဘာ့အကောင်းဆုံး တန်ပြန်တိုက်စစ်အဖြစ် တည်ဆောက်ထားစွာ တွိရပါရေ။ သူရို့မာ ကဇတ်သမားသစ်တိ၊ အကူးအပြောင်းနန့် ဘောလုံးကဇတ်ပုံအရ အယင်ခါ ပုံစံ နန့် တူလာပါရေ။ ယင်းနည်းတူ ကျနော်ရို့ အသင်းအနီနန့်လည်း အကောင်းဆုံး တည်ဆောက်နီပါရေ လို့ နည်းပြ မာရက်စကာ ဆိုပါရေ။
နည်းပြ မာရက်စကာစွာ မန်စီးတီးနည်းပြ ဂွါဒီယိုလာ၏ လက်ထောက်နည်းပြ တယောက်ဖြစ်ပြီး ဒေဂုရာသီအစမာ ချန်ပီယံသျှိကလပ် လက်စတာအသင်းကို တာဝန်ယူခပနာ ၁၀ ပွဲမာ ၉ ပွဲအနိုင်ရအောင် စွမ်းဆောင်ထားပါရေ။
၂၀၁၅-၁၆ ရာသီ၏ ပရီးမီးယားလိဂ်ချန်ပီယံ လက်စတာစွာ ပြီးခရေ ရာသီက ပရီးမီးယားလိဂ်ကနီ တန်းဆင်းလားပြီးနောက် လက်ဟိ ချန်ပီယံသျှိအမှတ်ပီးဇယားထိပ်ဆုံးမာ ရပ်တည်နီပြီးကေ ဒေနိညည့်မာတော့ ကာရာဘောင်ဖလားပွဲစဉ်အဖြစ် လီဗာပူး နန့် ရင်ဆိုင်ကဇတ်ရဖို့ ဖြစ်ပါရေ။
Source- Leicester boss Enzo Maresca insists Liverpool have built the best ‘transition’ team in the world/Daily Mail
Photo-Sky Sports
