APM ၊ ဂျူလိုင် ၂၇/ ၂၀၂၃
တောင်ကုတ်မြို့တွင် ဒေနိ(ဂျူလိုင် ၂၇ ရက်နိ) နိခင်း ၁ နာရီခွဲလောက်က ရွှီဆိုင်တဆိုင် ဓားပြတိုက်ခံရပြီး ရွှီထည်ပစ္စည်းအများအပြား ပါလားကြောင်း သိရသည်။
ဓားပြတိုက်ခံရသည့် ရွီဆိုင်မှာ တောင်ကုတ်မြို့၊ ဂူတာရပ်ကွက်၊ မြို့နယ်ခန်းမနားဟိ ရွှီပွင့်အိမ်ရွှီဆိုင်ဖြစ်သည်။
ဒေနိ နိခင်း ၁ နာရီခွဲလောက်က အဆိုပါ ရွှီပွင့်အိမ်ရွှီဆိုင်ကို ဆိုင်ကယ်တစီးနန့် သီနတ်ကိုင်ဆောင်ထားသည့်လူငယ်ယောက် နှစ်ယောက် ဝင်ရောက်လာသည်။
ယင်းနောက် သီနတ်ပြလျက် ရွှီဆိုင်ဟိ မှန်များကို ရိုက်ခွဲကာ ရွှီထည်ပစ္စည်းကို ဘေးလွယ်အိတ်နှစ်လုံးနန့် သိမ်းကျုံး ထည့်ယူပြီးနောက် ဆိုင်ကယ်နန့် ပြန်ထွက်လားကြောင်း သိရသည်။
လက်ဟိတွင် ယင်း ဓားပြတိုက်သူလူငယ်နှစ်ယောက်ကို သက်ဆိုင်ရာက လိုက်လံရှာဖွီလျက်ဟိပြီး ရွှီထည်ပစ္စည်း တန်ဖိုးဇာလောက်ပါလားသည်ကို APM မှ အသေးစိတ် စုံးစမ်းလျက်ဟိသည်။
Please follow and like us:
