APM၊ ဂျူလိုင် ၂၇ / ၂၀၂၃
မန်စီးတီးဂန္ထဝင်ကဇတ်သမားဟောင်း ဒေးဗစ် ဆေးလ်ဗား သည် ဘောလုံးလောကမှ အနားယူလိုက်ကြောင်း ဒေနိ(ဂျူလိုင် ၂၇ ရက်နိ) တွင် တရားဝင်ကြေညာသည်။
ဆေးလ်ဗားသည် ရီးရဲဆိုစီဒက်အသင်းနန့် ရာသီကြိုခြီစမ်းပွဲတွင် ဒူးဒဏ်ရာရခသည့်အတွက် ဇတ်သမားဘဝကို ဆက်လက် ဖြတ်သန်းရန် အခက်အခဲဖြစ်နီ၍ ပရော်ဖက်သျှင်နယ်ဘောလုံးသမားဘဝမှ တရားဝင် အနားယူ လိုက်ရခြင်းဖြစ်သည်။
ဒေနိက ကျနော့်အတွက် ဝမ်းနည်းစရာနိတနိပါ။ တဘဝလုံး မျှော်လင့်ထားရေ အရာကို နှုတ်ဆက်ရဖို့ အချိန် ရောက်ပါဗျာယ်။ ကျနော့်အနီနန့် ကဇတ်သမား ဘဝတလျှောက် ဖြတ်သန်းလာရေ အမှတ်တရတိကို အမြဲတမ်း သတိရနီပါဖို့ဟု ဆေးလ်ဗားက ဆိုသည်။
အသက် ၃၇ နှစ်အရွယ် ဆေးလ်ဗား သည် ဗလင်စီယာ၊ အီဘာ၊ ဆယ်တာဗီဂို၊ မန်စီးတီး နန့် ရီးရဲဆိုစီဒက် အသင်းများတွင် ပါဝင်ကဇတ်ခပြီး၊ သူ၏ ကဇတ်သမားဘဝတလျှောက် ကလပ်ပွဲပေါင်း ၇၄၄ ပွဲကဇတ်ရာ ၁၂၁ ဂိုးအထိသွင်းယူခသည်။
ယင်းအပြင် ဂိုးဖန်တီးမှု (၁၉၄) ကြိမ် ပြုလုပ်နိုင်ခသည့်အပြင် ကလပ်အသင်းများနန့်တတူ ဆုဖလားပေါင်း ၁၆ ခုရယူနိုင်ခသည်။
အလားတူစပိန်လက်ရွီးစင်အသင်းတွင်လေ့ပွဲပေါင်း ၁၂၅ ပွဲ ကဇတ်ရာ သွင်းဂိုး ၃၅ ဂိုးသွင်းယူထားပြီး ဂိုးဖန်တီးမှု (၃၂) ကြိမ်ပြုလုပ်ပီးခသည့်အပြင် နိုင်ငံ့အသင်းနန့်တတူ ကမ္ဘာ့ဖလား (၁) ကြိမ်၊ ယူရိုဖလား (၂) ကြိမ်နန့် ယူ-၁၉ ယူရိုဖလား (၁) ကြိမ် အထိ ရယူနိုင်ခသည်။
Source BREAKING: Manchester City legend David Silva announces retirement from footba
Photo Goal.com
