APM ၊ ဂျူလိုင် ၂၇/ ၂၀၂၂
ကိုဖြိုးဇေယျာသော်၊ ကိုကျော်မင်းယု အပါအဝင် နိုင်ငံရေးအမြင်မတူသည့်ပုဂ္ဂိုလ် (၄)ယောက်အား စစ်ကာင်စီမှသီဒဏ်စီရင် ဆောင်ရွက်လိုက်ခြင်းအပေါ် MNTJP/MNDAA၊ PSLF/TNLAနန့် ULA/AA ရို့ ပူးပေါင်းသည့် ညီနောင်မဟာမိတ် (၃) ဖွဲ့ က ဒေနိ( ဂျူလိုင် ၂၇ ရက်နိ)တွင် သဘောထားကြေညာချက် တစောင်ထုတ်ပြန်လိုက်သည်။
ယင်းထုတ်ပြန်ချက်တွင် “ဂျူလိုင် ၂၄ ရက်နိ၌ နိုင်ငံတော်စီမံအုပ်ချုပ်ရီးကောင်စီ (နစက) မှ နိုင်ငံရီး အမြင်မတူသည့် အမျိုးသားဒီမိုကရေစီအဖွဲ့ချုပ်(NLD)၏ လွှတ်တော်ကိုယ်စားလှယ်ဟောင်း ကိုဖြိုးဇေ ယျာသော်နန့်ဝါရင့်နိုင်ငံရီးသမား ကျောင်းသားဂေါင်းဆောင် ကိုကျော်မင်းယု(ခ)ကိုဂျင်မီ၊ ကိုလှမျိုးအောင် (ခ)ကိုမျိုး၊ ကိုအောင်သူရဇော် (ခ) ကတုံး (ခ) သူရ ရို့ (၄) ယောက်အား သီဒဏ်စီရင်ဆောင်ရွက်လိုက် ကြောင်းကို မီဒီယာအသီးသီးမှတဆင့် ကြားသိလိုက်ရသည်” ဟု အစပြု ဖော်ပြသည်။
ယင်းသို့ သီဒဏ်စီရင်လိုက်ခြင်းသည် လက်ဟိကမ္ဘာ့နိုင်ငံရီး၏စံထားချက်များနန့် ဆန့်ကျင်နီသည့်အပြင် ကုလသမဂ္ဂ၏ လူ့အခွင့်အရီးကြေညာစာတမ်း၊ အပြည်ပြည်ဆိုင်ရာနိုင်ငံသားအခွင့်အရီးနန့် နိုင်ငံရီးအခွင့် အရီးကွန်ဗင်းသျှင်းများကို ဆိုးဝါးစွာချိုးဖောက်နီကြောင်း ညီနောင်မဟာမိတ်(၃) ဖွဲ့က ထောက်ပြသည်။
ယင်းအပြင် “နိုင်ငံတကာအသိုင်းအဝိုင်းနန့်အာဆီယံနိုင်ငံ ဂျာကာတာထိပ်သီးအစည်းအဝေးမှသဘောတူ ဆုံးဖြတ်ထားသော မြန်မာနိုင်ငံဆိုင်ရာဘုံသဘောတူညီချက် (၅) ရပ် အပါအဝင် မြန်မာ့အရေးကို နိုင်ငံရီး နည်းနန့် ငြိမ်းချမ်းစွာဖြေယှင်းမည့် လမ်းစဉ်များနန့်လေ့ လုံးဝ ဆန့်ကျင်နီသည့်အပြင်၊ နစကမှ အဆိုပြု ထားသော အမျိုးသားပြန်လည်ရင်ကြားစိရီးလမ်းစဉ်နန့်လေ့ လုံးဝဆန့်ကျင်နီသည့်အတွက် မိမိရို့အနီနန့် ပြင်းထန်စွာ ကန့်ကွက်ကြောင်းနန့် ယုတ္တိမဟိသော ပြစ်မှုဖြင့် နိုင်ငံရီးအမြင် မတူသော ပုဂ္ဂိုလ်များအား သီဒဏ်စီရင်ခြင်းသည် ပြည်သူတရပ်လုံး၏ ဒေါသစိတ်နန့် ပြည်တွင်းစစ်များကို ပိုမိုပြင်းထန်စီ၍ ဖြစ်ပေါ် လာသည့် နောက်ဆက်တွဲပြဿနာအားလုံးကို နစကမှ တာဝန်ယူရမည်”ဟုလေ့ ထုတ်ပြန်ချက်က ဖော် ပြသည်။
ယင်းကြောင့် ညီနောင်မဟာမိတ်(၃) ဖွဲ့အနီနန့် သီဒဏ်စီရင်ခြင်းခံရသူများ၏ မိသားစု၊ ဆွေမျိုးများနန့် ထပ်တူဝမ်းနည်းရပြီး နစက ၏ လုပ်ရပ်အား ပြင်းထန်စွာရှုတ်ချကြောင်းလေ့ ညီနောင်မဟာမိတ် (၃) ဖွဲ့ ၏ ထုတ်ပြန်ကြေညာချက်တွင် ဖော်ပြထားပါသည်။
(Zawgyi)
ႏိုင္ငံရီးအျမင္မတူသည့္ ပုဂၢိဳလ္ ၄ ဦးအား စစ္ေကာင္စီမွ သီဒဏ္စီရင္ျခင္းအေပၚ ညီေနာင္မဟာမိတ္(၃)ဖြဲ႕ သေဘာထားေၾကညာခ်က္ ထုတ္ျပန္
APM ၊ ဂ်ဴလိုင္ ၂၇/ ၂၀၂၂
ကိုၿဖိဳးေဇယ်ာေသာ္၊ ကိုေက်ာ္မင္းယု အပါအဝင္ ႏိုင္ငံေရးအျမင္မတူသည့္ ပုဂၢိဳလ္ (၄) ေယာက္အား စစ္ကာင္စီမွ သီဒဏ္စီရင္ေဆာင္႐ြက္လိုက္ျခင္းအေပၚ MNTJP/MNDAA၊ PSLF/TNLAနန႔္ ULA/AA ႐ို႕ ပူးေပါင္းသည့္ ညီေနာင္မဟာမိတ္ (၃) ဖြဲ႕ က ေဒနိ( ဂ်ဴလိုင္ ၂၇ ရက္နိ)တြင္ သေဘာထားေၾကညာခ်က္ တေစာင္ ထုတ္ျပန္လိုက္သည္။
ယင္းထုတ္ျပန္ခ်က္တြင္ “ဂ်ဴလိုင္ ၂၄ ရက္နိ၌ ႏိုင္ငံေတာ္စီမံအုပ္ခ်ဳပ္ရီးေကာင္စီ (နစက) မွ ႏိုင္ငံရီး အျမင္မတူသည့္ အမ်ိဳးသားဒီမိုကေရစီအဖြဲ႕ခ်ဳပ္(NLD)၏ လႊတ္ေတာ္ကိုယ္စားလွယ္ေဟာင္း ကိုၿဖိဳးေဇ ယ်ာေသာ္နန႔္ဝါရင့္ႏိုင္ငံရီးသမား ေက်ာင္းသားေဂါင္းေဆာင္ ကိုေက်ာ္မင္းယု(ခ)ကိုဂ်င္မီ၊ ကိုလွမ်ိဳးေအာင္ (ခ)ကိုမ်ိဳး၊ ကိုေအာင္သူရေဇာ္ (ခ) ကတုံး (ခ) သူရ ႐ို႕ (၄) ေယာက္အား သီဒဏ္စီရင္ေဆာင္႐ြက္လိုက္ ေၾကာင္းကို မီဒီယာအသီးသီးမွတဆင့္ ၾကားသိလိုက္ရသည္” ဟု အစျပဳ ေဖာ္ျပသည္။
ယင္းသို႔ သီဒဏ္စီရင္လိုက္ျခင္းသည္ လက္ဟိကမာၻ႔ႏိုင္ငံရီး၏စံထားခ်က္မ်ားနန႔္ ဆန႔္က်င္နီသည့္အျပင္ ကုလသမဂၢ၏ လူ႔အခြင့္အရီးေၾကညာစာတမ္း၊ အျပည္ျပည္ဆိုင္ရာႏိုင္ငံသားအခြင့္အရီးနန႔္ ႏိုင္ငံရီးအခြင့္ အရီးကြန္ဗင္းသွ်င္းမ်ားကို ဆိုးဝါးစြာခ်ိဳးေဖာက္နီေၾကာင္း ညီေနာင္မဟာမိတ္(၃) ဖြဲ႕က ေထာက္ျပသည္။
ယင္းအျပင္ “ႏိုင္ငံတကာအသိုင္းအဝိုင္းနန႔္အာဆီယံႏိုင္ငံ ဂ်ာကာတာထိပ္သီးအစည္းအေဝးမွသေဘာတူ ဆုံးျဖတ္ထားေသာ ျမန္မာႏိုင္ငံဆိုင္ရာဘုံသေဘာတူညီခ်က္ (၅) ရပ္ အပါအဝင္ ျမန္မာ့အေရးကို ႏိုင္ငံရီး နည္းနန႔္ ၿငိမ္းခ်မ္းစြာေျဖယွင္းမည့္ လမ္းစဥ္မ်ားနန႔္ေလ့ လုံးဝ ဆန႔္က်င္နီသည့္အျပင္၊ နစကမွ အဆိုျပဳ ထားေသာ အမ်ိဳးသားျပန္လည္ရင္ၾကားစိရီးလမ္းစဥ္နန႔္ေလ့ လုံးဝဆန႔္က်င္နီသည့္အတြက္ မိမိ႐ို႕အနီနန႔္ ျပင္းထန္စြာ ကန႔္ကြက္ေၾကာင္း နန႔္ ယုတၱိမဟိေသာ ျပစ္မႈျဖင့္ ႏိုင္ငံရီးအျမင္မတူေသာ ပုဂၢိဳလ္မ်ားအား သီဒဏ္စီရင္ျခင္းသည္ ျပည္သူတရပ္လုံး၏ ေဒါသစိတ္နန႔္ ျပည္တြင္းစစ္မ်ားကို ပိုမိုျပင္းထန္စီ၍ ျဖစ္ေပၚ လာသည့္ ေနာက္ဆက္တြဲျပႆနာအားလုံးကို နစကမွ တာဝန္ယူရမည္”ဟုေလ့ ထုတ္ျပန္ခ်က္က ေဖာ္ ျပသည္။
ယင္းေၾကာင့္ ညီေနာင္မဟာမိတ္(၃) ဖြဲ႕အနီနန႔္ သီဒဏ္စီရင္ျခင္းခံရသူမ်ား၏ မိသားစု၊ ေဆြမ်ိဳးမ်ားနန႔္ ထပ္တူဝမ္းနည္းရၿပီး နစက ၏ လုပ္ရပ္အား ျပင္းထန္စြာရႈတ္ခ်ေၾကာင္းေလ့ ညီေနာင္မဟာမိတ္ (၃) ဖြဲ႕ ၏ ထုတ္ျပန္ေၾကညာခ်က္တြင္ ေဖာ္ျပထားပါသည္။
