APM၊ ဂျုန် ၂၇/၂၀၂၂
ဂျုန် ၂၄ ရက်နိကပင် စစ်ကောင်စီ ဖမ်းလားခသည့် ကျောက်ဖြူမြို့နယ် မူရွင်းရွာက လူငယ် ၂ ယောက်ကို လက်ဟိ အချိန်ထိ မိသားစုများနန့် အဆက်အသွယ်မရသိမ့်ဟု သိရသည်။
အဖမ်းခံထားရသည့် လူငယ်နှစ်ယောက်မှာ ကိုစိုင်းဝဏ္ဏကျော် (၂၈ နှစ်)နန့် ကိုထွန်းထွန်းဇော် (၂၀ နှစ်)ရို့ဖြစ်ကတ်ပြီး ကုန်ခသည့် ဂျုန် ၂၄ ရက်နိက ကျောက်ဖြူမြို့နယ် ဇင်ချောင်းရွာသို့ ပန်းရံလုပ်ငန်းသုံးပစ္စည်းများဝယ်ရန် လားစဉ် ဇင်ချောင်းရဲစခန်းရှိမှာ ရဲတပ်ဖွဲ့ဝင် ၅ ယောက်က သူရို့ကို ဖမ်းလားခြင်းဖြစ်သည်။
ယင်းနောက် ကိုစိုင်းဝဏ္ဏကျော်နန့် ကိုထွန်းထွန်းဇော်ရို့ကို ကျောက်ဖြူ အခြီစိုက် စစ်ကောင်စီတပ် ခလရ ၃၄ တပ်ရင်းက စစ်ဆီးရန် ခေါ်လားခသည်ဟု မိသားစုဝင်များပြောသည်။
“ဖမ်းစွာကတော့ ဇင်ချောင်းရဲစခန်းက ရဲသား ၅ ယောက်ဖမ်းလားစွာပါ။ ဖုန်းလေ့ ပါလားရေ။ ယေပြီးကေ ကျောက်ဖြူ ခလရ ၃၄ က ဗျူဟာမှူးဘားကို ယူလားခရေလို့ ကြားရေ။ အဂုထိတော့ အဆက်အသွယ် မရပါသိမ့်။ လုံးဝသတင်းအစအနမရဘဲ စစ်ဆီးယင်းနန့်တခုခုဖြစ်လားဖို့ကို မိသားစုတိစိုးရိမ်နီကတ်ပါရေ”ဟု မိသားစုဝင်တယောက်က APM သို့ ပြောသည်။
အဖမ်းခံထားသည့် ကိုစိုင်းဝဏ္ဏကျော်သည် မူရွင်းရွာ၏ လူပျိုကာလသားဂေါင်းဆောင်ဖြစ်ပြီး သာရီး၊ နာရီးကိစ္စများတွင်ဦးဆောင်လုပ်ကိုင်နီသူဖြစ်ကာ ကိုထွန်းထွန်းဇော်ကတော့ ဆယ်တန်းအောင်၍ နည်းပညာတက္ကသိုလ်တက်ရန် ပြင်ဆင်နီသူ ဖြစ်သည်။
ကုန်ခသည့်ရက်ပိုင်းအတွင်းက စစ်ကောင်စီတပ်သည် ကျောက်တော်၊ မြောက်ဦး၊ ပုဏ္ဏားကျွန်း၊ စစ်တွေ၊ ရမ်းဗြဲ နန့် မင်းပြားမြို့နယ်များ၌ အမျိုးသမီးများ၊ အသက် ၁၈ နှစ်မပြည့်သိမ့်သော လူငယ်များအပါအဝင် အပြစ်မဲ့အရပ်သား ပြည်သူအများအပြားကို ဖမ်းဆီးစစ်ဆီးမှုများ ပြုလုပ်ခကြောင်း သိရသည်။
(Zawgyi)
စစ္ေကာင္စီ ဖမ္းလားသည့္ ေက်ာက္ျဖဴမွ လူငယ္ ၂ ေယာက္ကို အဂုအခ်ိန္ထိ မိသားစုမ်ားအဆက္အသြယ္မရသိမ့္
APM၊ ဂ်ဳန္ ၂၇/၂၀၂၂
ဂ်ဳန္ ၂၄ ရက္နိကပင္ စစ္ေကာင္စီ ဖမ္းလားခသည့္ ေက်ာက္ျဖဴၿမိဳနယ္ မူ႐ြင္း႐ြာက လူငယ္ ၂ ေယာက္ကို လက္ဟိ အခ်ိန္ထိ မိသားစုမ်ားနန႔္ အဆက္အသြယ္မရသိမ့္ဟု သိရသည္။
အဖမ္းခံထားရသည့္ လူငယ္ႏွစ္ေယာက္မွာ ကိုစိုင္းဝဏၰေက်ာ္ (၂၈ ႏွစ္)နန႔္ ကိုထြန္းထြန္းေဇာ္ (၂၀ ႏွစ္)႐ိုျဖစ္ကတ္ၿပီး ကုန္ခသည့္ ဂ်ဳန္ ၂၄ ရက္နိက ေက်ာက္ျဖဴၿမိဳ႕နယ္ ဇင္ေခ်ာင္း႐ြာသို႔ ပန္းရံလုပ္ငန္းသုံးပစၥည္းမ်ားဝယ္ရန္ လားစဥ္ ဇင္ေခ်ာင္းရဲစခန္းရွိမွာ ရဲတပ္ဖြဲ႕ဝင္ ၅ ေယာက္က သူ႐ို႕ကို ဖမ္းလားျခင္းျဖစ္သည္။
ယင္းေနာက္ ကိုစိုင္းဝဏၰေက်ာ္နန႔္ ကိုထြန္းထြန္းေဇာ္႐ို႕ကို ေက်ာက္ျဖဴ အၿခီစိုက္ စစ္ေကာင္စီတပ္ ခလရ ၃၄ တပ္ရင္းက စစ္ဆီးရန္ ေခၚလားခသည္ဟု မိသားစုဝင္မ်ားေျပာသည္။
“ဖမ္းစြာကေတာ့ ဇင္ေခ်ာင္းရဲစခန္းက ရဲသား ၅ ေယာက္ဖမ္းလားစြာပါ။ ဖုန္းေလ့ ပါလားေရ။ ေယၿပီးေက ေက်ာက္ ျဖဴ ခလရ ၃၄က ဗ်ဴဟာမႉးဘားကို ယူလားခေရလို႔ ၾကားေရ။ အဂုထိေတာ့ အဆက္အသြယ္ မရပါသိမ့္။ လုံးဝ သတင္းအစအနမရဘဲ စစ္ဆီးယင္း နန႔္ တခုခုျဖစ္လားဖို႔ကို မိသားစုတိ စိုးရိမ္နီကတ္ပါေရ”ဟု မိသားစုဝင္ တေယာက္ က APM သို႔ ေျပာသည္။
အဖမ္းခံထားသည့္ ကိုစိုင္းဝဏၰေက်ာ္သည္ မူ႐ြင္း႐ြာ၏ လူပ်ိဳကာလသားေဂါင္းေဆာင္ျဖစ္ၿပီး သာရီး၊ နာရီးကိစၥမ်ား တြင္ဦးေဆာင္လုပ္ကိုင္နီသူျဖစ္ကာ ကိုထြန္းထြန္းေဇာ္ကေတာ့ ဆယ္တန္းေအာင္၍ နည္းပညာတကၠသိုလ္တက္ ရန္ ျပင္ဆင္နီသူ ျဖစ္သည္။
ကုန္ခသည့္ရက္ပိုင္းအတြင္းက စစ္ေကာင္စီတပ္သည္ ေက်ာက္ေတာ္၊ ေျမာက္ဦး၊ ပုဏၰားကြၽန္း၊ စစ္ေတြ၊ ရမ္းၿဗဲ နန႔္ မင္းျပားၿမိဳ႕နယ္မ်ား၌ အမ်ိဳးသမီးမ်ား၊ အသက္ ၁၈ ႏွစ္မျပည့္သိမ့္ေသာ လူငယ္မ်ားအပါအဝင္ အျပစ္မဲ့အရပ္သား ျပည္သူအမ်ားအျပားကို ဖမ္းဆီးစစ္ဆီးမႈမ်ား ျပဳလုပ္ခေၾကာင္း သိရသည္။
