APM ၊ ဧပြီ ၂၇ / ၂၀၂၃
စင်္ကာပူနိုင်ငံမှာ ဆီးခြောက် ၁ ကီလိုဂရမ် ရောင်းဝယ်မှုနန့် စင်္ကာပူနိုင်ငံသား တန်ဂါရာဂျူးဆူပီးယားကို သီဒဏ်ပီး၍ ဧပြီ ၂၆ ရက်နိက ကွပ်မျက်လိုက်ကြောင်း သိရသည်။
အသက် ၄၆ နှစ် အရွယ် တန်ဂါရာဂျူးမှာ ဖမ်းဆီးစဉ်က ဆီးခြောက်လက်ဝယ်မတွိဘဲ သက်သီအထောက်အထား အားနည်း သဖြင့် သီဒဏ်မှ လွတ်ငြိမ်းခွင့် ပီးပါရန် မိသား စုဝင်များ၊လူ့အခွင့်အရေး လှုပ်ယှားသူများ နန့်ကုလသမဂ္ဂ ကပါ တောင်းဆို ခကတ်ကေလေ့ ဧပြီ ၂၆ ရက်နိမိုးထ အရုဏ်တက်ချိန်၌ မဖြစ်မနီ ကွပ်မျက်ပစ်လိုက်သည်။
စင်္ကာပူအစိုးရ၏ရှိနီများက ဖုန်းနံပါတ်များကို ခြီရာခံဖော် ထုတ်ချက်အရ ၎င်းမှာ ဆီးခြောက်သယ်ယူပို့ဆောင်ရာ၌ ပါဝင် စီစဥ်ခကြောင်း ဆိုသည်။
သို့သော် တန်ဂါရာဂျူးက ၎င်းအနီနန့် ၂၀၁၈ ခုနှစ်ကဖြစ် ပွားခသည့် အဆိုပါအမှု၌ ဆီးခြောက် သယ်ယူ ပို့ဆောင်သူများနန့် ဆက်သွယ်မှုလုံးဝေမဟိခကြောင်း အခိုင်အမာ ငြင်းဆိုခသည်။
စင်္ကာပူဥပဒေအရ ဆီးခြောက် ၅၀၀ ဂရမ်အထက် ရောင်း ဝယ်ဖောက်ကားလျှင် သီဒဏ်ကျခံရသည်။
မူးယစ်ဆီးဝါးနန့်ဆက်နွယ်သည့်ပြစ်မှုများအပေါ် သီဒဏ် စီရင်ခြင်းသည်နိုင်ငံတကာစံနှုန်းများနန့် မကိုက်ညီဟုဆို ကာ ကုလသမဂ္ဂလူ့အခွင့်အရေးရုံးက ဧပြီ ၂၅ ရက်နိတွင် သီဒဏ်စီရင်းခြင်းအား “ဆိုင်းငံ့” ပီးရန် တောင်းဆိုခကေလေ့ နောက် တရက် ဧပြီ ၂၆ ရက်နိမှာ တန်ဂါရာဂျူးကိုမဖြစ်မနီ ကွက်မျက်လိုက်ပြီး ဥပဒေနန့်အညီ စီရင်သည် ဟု တုံ့ပြန်သည်။
မနှစ်ကလေ့ စင်္ကာပူတွင်မူးယစ်ဆီးဝါးမှုနန့်လူ ၁၁ ယောက် ကို ကွပ်မျက်ခရာ ယင်းအထဲ၌ မလေးသျှားနိုင်ငံသား တ ယောက်လေ့ပါဝင်ကြောင်း သိရသည်။
Ref ; Singapore Executes Man for Involvement in Selling Cannabis
Photo – CNN
