APM ၊ ဧပြီ ၂၇ / ၂၀၂၃
ဧပြီ ၁၅ ရက်မှစတင်ဖြစ်ပွားခသော ဆူဒန်တိုက်ပွဲအတွင်း ဒေနိအချိန်အထိ အမေရိကန်နိုင်ငံသားနှစ်ယောက် သီဆုံး ပြီးဖြစ်ကြောင်း အိမ်ဖြူတော်က ကြေညာသည်။
ဆူဒန်၌အမေရိကန် ပထမဆုံး တယောက်သီဆုံးမှုကို ဧပြီ ၂၁ ရက်နိက ကြေညာခပြီး၊ ဒုတိယမြောက် သီဆုံးသူကိုတော့ ဧပြီ ၂၆ ရက်နိတွင် ကြေညာခသည်။ သီဆုံးသူနှစ်ယောက်စလုံးနန့်ပတ်သက်၍အသေးစိတ်အချက်အလက်များကိုတော့ ထုတ်ပြန်ခြင်း မဟိပါ။
စစ်မက်ဖြစ်ပွားနီသော ဆူဒန်တွင် ဒုတိယမြောက်အမေရိကန်တယောက် သီဆုံးကြောင်းကိုတော့ အမေရိကန်က ဗုဒ္ဓဟူးနိတွင် အတည်ပြုခကြောင်း Anadolu သတင်းအေ ဂျင်စီက ဖော်ပြသည်။
“ညဇာက ဒုတိယမြောက်အမေရိကန်နိုင်ငံသားတယောက် သီဆုံးမှုကို အတည်ပြုနိုင်ပါယာ။ မိသားစုနန့် ထပ်တူ ထပ်မျှ ဝမ်းနည်းရပါရေ” ဟု အိမ်ဖြူတော် အမျိုးသား လုံခြုံရီး ပြောရေးဆိုခွင့်ဟိသူ John Kirby က သတင်း ထောက်များအား ပြောကြားခသည်။
ဆူဒန်စစ်တပ်နန့် အရံလက်နက်ကိုင်အဖွဲ့RSF ရို့တိုက်ခိုက်မှုအတွင်း အရပ်သားများ၊ တိုက်ခိုက်ရီးနန့် မပတ် သက်သူများ၊လူသားချင်းစာနာထောက်ထားမှုဆိုင်ရာ ဝန်ထမ်း များနန့်တတိယနိုင်ငံမှလူများကိုကယ်တင်ရန် လုပ်ဆောင် နီသည့် အရပ်သားများကို အကာအကွယ်ပီးရန် အမေရိကန်က ၎င်းရို့တွင် တာဝန်ဟိကြောင်း ပြောကြားခသည်။
လက်ဟိတွင် အကြမ်းဖက်မှုများနန့် ကြိုကြားကြိုကြား ပစ်ခတ်မှုများဟိသည်ဟု သတင်းများ ထွက်ပေါ်နီကေလေ့ အပစ်အခတ်ရပ်စဲရီးကို တလင်းလာနိတွင် ထုတ်ပြန် ကြေညာခကတ်သည်။
အကြမ်းဖက်မှုအဆင့်များ သိသိသာသာ လျော့ကျလားသည်ဟု Kirby က ပြောသည်။
“ဒေအပစ်ရပ်မှုကို အပြည့်အဝ ထောက်ခံပြီးကေ နောက် ထပ် သက်တမ်းတိုးဖို့ နှစ်ဖက်စလုံးကို တိုက်တွန်း ထားပါ ရေ” ဟု ၎င်းက ဆိုသည်။
Kirby သည် တိုက်ပွဲတွင် “ကြေကွဲဖွယ် အသတ်ခံရသည်” ဟု ပြောဆို၍ ပထမဆုံး အမေရိကန် သီဆုံးကြောင်း ပြီးခသည့် သောကြာနိက ကြေညာခသည်။
ကွယ်လွန်သူအား မည်သူမည်ဝါဖြစ်ကြောင်း မသိရကေ လေ့ ၎င်းပုဂ္ဂိုလ်၏ မိသားစုအား ဝမ်းနည်းကြောင်း ပြောကြားခသည်။
ဧပြီလ ၁၅ ရက်နေ့ကတည်းပ ဆူဒန်စစ်တပ်နန့် RSF ရို့အကြားတိုက်ပွဲများကြောင့် အနည်းဆုံးလူ ၄၆၀သီဆုံးပြီး ၄၀၀၀ ကျော် ဒဏ်ရာရဟိခကြောင်း ကျန်းမာရီးဝန်ကြီး ဌာနမှ သိရသည်။
မကြာသိမ့်ခင်လများက ဆူဒန်တွင်လက်နက်ကိုင်တပ်ဖွဲ့များအကြား စစ်ရီး၊ လုံခြုံရီး ပြုပြင်ပြောင်းလဲမှုနန့်ပတ် သက်၍ သဘောထားကွဲလွဲမှုများ ပေါ်ပေါက်ခသည်။
ပြုပြင်ပြောင်းလဲရီး၌ အရပ်သားများ ဒီမိုကရေစီအသွင် ကူးပြောင်းရီးအတွက် နိုင်ငံတကာနန့် ဒေသတွင်း ပါတီများ ညှိနှိုင်းရာတွင် အဓိက ပြဿနာများထဲမှ တခုဖြစ်ပြီး ယင်း၌ စစ်တပ်နန့်RSF ပါဝင်မှု အပြည့်အဝ ဟိမည်ဟု မျှော်မှန်းထားသည်။
Source – US confirms death of second American amid ongoing fighting in Sudan
Photo – Anadolu Agency
