APM ၊ ဧပြီ ၂၇ / ၂၀၂၃
မြေပုံမြို့နယ်ဟိ ယိုးချောင်းတန်းထားနန့် အမ်းမြို့နယ် ကဇုကိုင်းတန်းထားကိုဖြတ်ကူးသည့် ကုန်တင်ကားများထံမှ မြန်မာစစ်တပ်တပ်ဖွဲ့ဝင်များက တန်းထားဖြတ်ကူးခဟုဆိုကာ ငွေ ၃ဝဝဝဝ ကျပ်စီ တောင်းယူနီကြောင်း သိရသည်။
အဆိုပါတန်းထားနှစ်ခုတွင် ကျောက်ဖြူအခြီစိုက် ခမရ (၅၄၂)တပ်ရင်းနန့် တောင်ကုတ်အခြီစိုက် ခမရ(၅၄၄) တပ်ရင်းရို့ ဂိတ်ချထားခြင်းဖြစ်ပြီး စစ်တွေဖက်မှ လာသည့် ကုန်တင်ကားများသည် ယိုးချောင်းတန်း ထားဖြတ်ရာ တွင် ငွေပီးရကာ အမ်းဖက်မှလာသည့်ကားများမှာတော့ ကဇုကိုင်းတံတားတွင် ငွေပီးရသည်ဟု ကားသမားများက ပြောသည်။
ယင်းအပြင် ယင်းသို့ ငွေတောင်းခံရာ၌ ၃၀၀၀၀ ကျပ်အပြည့်ပီးဆောင်ရပြီး အပြည့်အပီးလျှင် ဖမ်းမည်ဟုလေ့ ခြိမ်း ခြောက်ဆိုမှုများဟိသည်ဟုဆိုသည်။
ရက္ခိုင်တွင်း ရက္ခိုင့်တပ်တော်AAနန့် မြန်မာစစ်တပ်ရို့ အပစ်အခတ်ရပ်စဲထားပြီးနောက်ပိုင်း မြန်မာစစ်တပ်က ၎င်းရို့ ပိတ်ဆို့ထားခသည့် ကုန်းလမ်းရီလမ်းများကို ပြန်ဖွင့်ပီးခကေလေ့ လမ်းများ၌ စစ်ဆီးရီးဂိတ်များချကာ တင်းတင်း ကြပ်ကြပ်စစ်ဆီးခြင်း၊ ခရီးလား ပြည်သူများအား ဂိတ်စခန်းကိုဖြတ်လျှင် လမ်းလျှောက်လားခိုင်းခြင်း၊ ဆိုင်ကယ်များကို ဆင်းတိုးခိုင်းခြင်းများ ပြုလုပ်လျက်ဟိ ကြောင်း သိဟိရသည်။
Photo – ABN
