
APM ၊ ဧပြီ ၂၇ / ၂၀၂၃
ပရီးမီးယားလိဂ် ချန်ပီယံဖြစ်ဖို့အတွက် မန်စီးတီး၏ ကံကြမ္မာက ကျနော်ရို့ လက်ထဲမှာဟု နည်းပြ ဂွါဒီယို လာက ဧပြီ ၂၆ ရက်နိ အီတီဟတ်ကွင်း၌ အာဆင်နယ်အသင်းကို ၄ ဂိုး ၁ ဂိုးနန့် အနိုင်ရသည့် ပွဲအပြီးတွင် ပြောကြား လိုက်သည်။
အဆိုပါပွဲစဉ်တွင် မန်စီးတီအတွက် အနိုင်ဂိုးများကို ဒီဘရိုင်း ၊ ဂျွန်စတုန်း နန့် ဟာလန်းရို့က အသီးသီး သွင်းယူ ပီးခပြီး ၊ လက်ဟိတွင် မန်စီးတီးအသင်းအနီနန့်လေ့ ချန်ပီယံဆုဆွတ်ခူးနိုင်ဖို့ နောက်ထပ် ၃ ပွဲကဇတ်ရန် ကျန်သိမ့် သည်။
“ချန်ပီယံဆုရဖို့အတွက် နောက်ထပ် ကဇတ်ရဖို့ ၃ ပွဲလုံးက အရေးကြီးပါရေ။ ကျနော်ရို့ အနီနန့် အကောင်း ဆုံးလုပ် နိုင်ဖို့လိုရေပိုင် လက်ကျန် ၃ ပွဲကလေ့ ချန်ပီယံဆုအတွက် အဆုံးအဖြတ်ပီးလားဖို့ ဖြစ်ပါရေ။ ယင်းကြောင့် ချန်ပီယံ ဆုအတွက် မန်စီးတီး၏ ကံကြမ္မာက ကျနော်ရို့အပေါ်မှာ မူတည်နီပါရေ” ဟု ဂွါဒီယိုလာက ဆိုသည်။
လက်ဟိတွင် မန်စီးတီးအသင်းသည် ပရီးမီးယာလိဂ်အမှတ်ပီးဇယားတွင် အာဆင်နယ်အသင်းနန့် ၂ မှတ်အကွာ ရမှတ် ၇၃ မှတ်ဖြင့် အဆင့် ၂ နီရာ၌ ရပ်တည်နီပြီး လာမည့် ဧပြီ ၃၀ ရက်နိတွင် ဖူလ်ဟမ် အသင်းနန့် အဝီးကွင်းတွင် ယှဉ်ပြိုင်ရမည် ဖြစ်သည်။
Source – Manchester City’s destiny is in ‘our hands’, says Pep Guardiola after thrashing of Arsenal
Photo – Eurosport
