APM ၊ မာ့ချ် ၂၇ / ၂၀၂၃
ရက္ခိုင်ပြည်မြို့နယ်အသီးသီးဟိ စစ်ဖီးယှောင် စခန်းများ၌ ခိုလှုံနီကတ်ရသည့် စစ်ဖီးယှောင်အမျိုးသမီးများတွင် အခြီခံကျန်းမာရေး အသုံးအဆောင်ဖြစ်သည့် အမျိုးသမီးလစဥ်သုံးပစ္စည်းများ လိုအပ်လျက်ဟိကြောင်း သိရသည်။
ရက္ခိုင်တွင် နှစ်ဖက်အပစ်အခတ်ရပ်ပြီးနောက်ပိုင်း စစ်ကောင်စီက ဖိအားပီး နီရပ်ပြန်ခိုင်းနီ၍ စစ်ဖီးယှောင် တချို့ နီရပ်ပြန်လားကေလေ့ ကျေးရွာအနားတွင် မြန်မာစစ်တပ်က တပ်စွဲထားမှု၊ မိုင်းအန္တရာယ်စိုး ရိမ်ရမှုများကြောင့် လက်ဟိအချိန် နီရပ်မပြန်ဝံ့ဘဲ စစ်ဖီးယှောင်စခန်းများတွင် ခိုလှုံနီကတ်ရသူ စစ်ဖီးယှောင်ဦးရေ ၆၀၀၀၀ ကျော်ခန့် ကျန်နီသိမ့်သည်။
ယင်းအထဲတွင် အမျိုးသမီးအများစုပါဝင်ပြီး တကျော့ပြန်တိုက်ပွဲ ဖြစ်ပွားချိန်ကပင် လက်ဟိအချိန်ထိ စစ်ကောင်စီက လူသားချင်း စာနာထောက်ထားမှုဆိုင်ရာအကူအညီများပီးနီသည့် နိုင်ငံတကာအဖွဲ့ အစည်းများ နန့် ဒေသတွင်း အရပ်ဖက် အဖွဲ့အစည်းများ လားရောက်ကူညီခွင့်ကို ကန့်သတ်ထားသည့်အတွက် စစ်ဖီးယှောင်အမျိုး သမီးများမှာ လစဉ်သုံး ပစ္စည်း များပင် ပြတ်လပ်ကာ အစစ အရာရာ အခက်အခဲဖြစ်နီကတ်ရကြောင်း စစ်ဖီးယှောင် အမျိုးသမီးများကပြောသည်။
အယင်ကဆိုလျှင် အလှူသျှင်များ လာရောက်လှူဒါန်းလိဟိကေလေ့ ဒေဂုလာမလှူကတ်သည်မှာ ၂ လကျော် ကြာနီပြီး ဖြစ်ကာ အလုပ်အကိုင်လေ့ ယှားပါးလာသည့်အပြင် ကုန်ဈီးနှုန်းများလေ့တက်နီ၍ ဝယ်မသုံးနိုင်ကတ် ဟုဆိုသည်။
ယင်းအမျိုးသမီးလစဥ်သုံးပစ္စည်းများသည် အမျိုးသမီးများတကိုယ်ရည်သန့်ယှင်းမှုနန့် ကျန်းမာရီးအတွက် မဟိမဖြစ်လို အပ်သည့် ၏အတွက် လာရောက်ကူညီထောက်ပံ့ပီးကတ်ဖို့ စစ်ဖီးယှောင်အမျိုးသမီးမျာက တောင်းဆိုနီ ကတ်သည်။
