APM ၊ မာ့ချ် ၂၇ / ၂၀၂၃
ပရီးမီးယားလိဂ်ကလပ်တောတင်ဟမ်ဟော့စပါးအသင်းသည် နည်းပြချုပ်ဖြစ်သူ”ကွန်တီ”ကို ရာထူးမှ ထုတ်ပယ် လိုက်ကြောင်း မာ့ချ် ၂၆ ရက်နိကအတည်ပြုထုတ်ပြန်ခသည်။
စပါးအသင်းထုတ်ပြန်ချက်၌ “ကလပ်နန့် နည်းပြကွန်တီကြား နှစ်ဦးသဘောတူလမ်းခွဲခခြင်းဖြစ်ပြီး၊ လက်ကျန်ပွဲစဥ် များအတွက် လက်ထောက်နည်းပြစတယ်လီနီနန့် ရိုင်ယန်မေဆန်က ယာယီတာဝန်ယူကိုင်တွယ်လားမည်”ဟု ဖော်ပြ ထားသည်။
ကွန်တီသည် မာ့ချ် ၁၈ ရက်နိက ဆောက်သန်တမ်နန့် ၃ ဂိုး ၃ ဂိုးစီ သရေကျခသည့်ပွဲစဉ်အပြီးတွင် အသင်းကဇတ်သမား များနန့် ကလပ်တာဝန်ဟိသူများကို ပြင်းပြင်းထန်ထန် ဝေဖန်ပြောဆိုခသည်။
ယင်းသို့ ဝေဖန်ပြောဆိုပြီးနောက်ပိုင်း စပါးအသင်းအနီနန့် နည်းပြကွန်တီကို ၂ ရက်အတွင်းထုတ်ပယ်မည်ဟု သတင်းများ ထွက်ပေါ်ခသိမ့်သည်။
ချဲယ်ဆီး၊ ဂျူဗင်တပ်စ်နန့် အင်တာမီလန်အသင်းများတွင် လိဂ်ဖလားဆွတ်ခူးပီးခသည့် နည်းပြကွန်တီသည် စပါးအသင်းကို ၂၀၂၁ ခုနှစ် နိုဗမ်ဘာလက စတင်ကိုင်တွယ်ခခြင်းဖြစ်ကြောင်းသိဟိရသည်။
Source – Antonio Conte departs Tottenham after breakdown in relations with club
Photo – MEN
