APM ၊ ဖေဖော်ဝါရီ ၂၇ / ၂၀၂၃
PSG တိုက်စစ်မှူး လီယွန်နယ်မက်ဆီသည် ဒေနိ(ဖေဖော်ဝါရီ ၂၇ ရက်နိ) မိုးထက ကဇတ်ခသည့် မာဆေးလ်အသင်းနန့်ပွဲစဥ်တွင် ဂိုးသွင်းယူနိုင်ခပြီးနောက် ကဇတ်သမားဘဝ သွင်းဂိုး ၇၀၀ ပြည့်မြောက်သည့် ကဇတ်သမားအဖြစ် စံချိန်သစ် ထပ်တင်လိုက်ကြောင်း သိရသည်။
မာဆေးလ်အသင်းကို ၃ ဂိုး ဂိုးမဟိဖြင့် နိုင်ခသည့်ပွဲတွင် မက်ဆီသည် အသင်းအတွက် သွင်းဂိုး ၁ ဂိုး သွင်းယူလိုက်ပြီးနောက် ကဇတ်သမားဘဝ သွင်းဂိုး ၇၀၀ ပြည့်မြောက်ခသည်။
ယင်းအပြင် အဆိုပါသွင်းဂိုးသွင်းယူပြီးနောက် မက်ဆီသည် စီရော်နယ်ဒိုပြီးလျှင် ဥရောပထိပ်တန်းလိဂ် ငါးခု၌ ဒုတိယမြောက် ဂိုးသွင်းအများဆုံး ကဇတ်သမားဖြစ်လာသည်။
အသက် ၃၅ နှစ်အရွယ် မက်ဆီသည် ပွဲပေါင်း ၈၄၀ ပွဲကဇတ်ရာတွင် သွင်းဂိုး ၇၀၀ သွင်းယူထားပြီး၊ စီရော်နယ်ဒိုက တော့ ပွဲပေါင်း ၉၄၃ ပွဲကဇတ်ရာတွင် ၇၀၁ ဂိုး သွင်းယူထားသည်။
မက်ဆီသည် Ballon d’Or ဆု ၇ ကြိမ်နန့် ဆုဖလား (၃၅) ကြိမ်ရဟိထားသည့်အပြင် ၂၀၂၂ ဖီဖာအကောင်းဆုံး ဆုအတွက်လေ့ ရီပမ်းစားနီ ကြောင်းသိရသည်။
လက်ဟိတွင် မက်ဆီသည် လီဂူးဝမ်းလိဂ်၌ PSG အသင်းအတွက် ပွဲပေါင်း ၂၀ ပါဝင်ကဇတ်ထားပြီး ၁၂ ဂိုး သွင်းယူ ထားကာ ဂိုးဖန်တီးမှု ( ၁၂ ) ကြိမ်ပြုလုပ်ထားသည်။
Source – Lionel Messi hits 700! PSG star joins Cristiano Ronaldo in exclusive goals club after strike vs
Photo – Sportsnet
