APM ၊ ဒီဇမ်ဘာ ၂၇ / ၂၀၂၂
ဒေနိညည့် ကဇတ်ဖို့ဟိသည့် နော်တင်ဟမ်ဖောရက်စ်နန့်ပွဲမှာ မန်ယူနောက်ခံလူ နှစ်ယောက်ဖြစ်သည့် မာတီ နက်ဇ် နန့် ဗာရာနီ ရို့ မပါဝင်နိုင်ဟု နည်းပြတန်ဟက်က အတည်ပြုပြောဆိုသည်။
ကမ္ဘာ့ဖလားဖိုင်နယ်ပွဲကဇတ်ထားရ၍ လီဇန်ဒရို မာတီနက်ဇ် နန့် ရာဖေးလ် ဗာရာနီရို့ အသင်းထံသို့ ပြန်မလာ နိုင်သိမ့်ချိန် နော်တင်ဟမ်ကို အိမ်ကွင်းမှာ ရင်ဆိုင်ဖို့ဟိနီသည့် မန်ယူအနီနန့် နောက်တန်းမှာ မာတီနက်ဇ် နန့် ဗာရာနီ ရို့ မပါဝင်နိုင်ခြင်းကြောင့် ပြဿနာဖြစ်လာဖွယ်ဟိသည်။
“ကဇတ်သမားအများစုက ကမ္ဘာ့ဖလားကနီ ပြန်လာနီကတ်ပါဗျာယ်။ သူရို့တိက ကာတာမှာ ခြီစွမ်းကောင်း ပြနိုင်ခ ကတ်ပါရေ။ ယေကေလေ့ ကျနော်ရို့မှာ ပြဿနာတချို့ဟိနီပါရေ။ မကြာခင်မှာ သူရို့ပြန်လာဖို့ မျှော်လင့်ပါရေ” ဟု တန်ဟက်က ဆိုသည်။
ဒေဂုရာသီ ပရီးမီးယားလိဂ်၌ မန်ယူအသင်းသည်အဆင့် (၅) နီရာတွင် ရပ်တည်နီပြီး၊ နော်တင်ဟမ်ဖောရက်စ်နန့် ဒေနိညည့် (ဒီဇမ်ဘာ ၂၈ ရက်နိ၊ ၀၂း၃၀ နာရီ)မှာ ကဇတ်ဖို့ဟိနီသည်။
ဖောရက်စ်နန့် ပွဲအပြီးမှာ မန်ယူသည် ဝုဗ် ၊ ဘုန်းမောက်ရို့နန့် ဆက်လက်ရင်ဆိုင်ရဖို့ဟိပြီး၊ မန်စီးတီးနန့်တော့ လာဖို့ ဂျန်နဝါရီ ၁၄ ရက်နိမှာ ရင်ဆိုင်ရဖို့ဟိနီသည်။
Photo – Mirror
