APM ၊ ဂျန်နဝါရီ ၂၇ /၂၀၂၃
အသင်းရလဒ်ပိုင်းတိုးတက်မလာ၍ နည်းပြဖြစ်သူ အဲဖရက်ရှရူဒါကို ရာထူးကနီ ထုတ်ပယ်လိုက်ကြောင်း အေဂျက်အသင်း
ဝက်ဘ်ဆိုက်ကနီ တရားဝင်ကြေညာလိုက်သည်။
အေဂျက်အသင်းသည် ခြောက်ပွဲဆက်တိုက် သရေကျခသည့် FC ဗိုလန်ဒမ်အသင်းနန့်ပွဲအပြီး၌ ယင်းသို့ ကြေညာလိုက်ခြင်းဖြစ်သည်။
အေဂျက်စ် အသင်းအမှုဆောင်အရာဟိချုပ် အက်ဒ်ဝင်ဗန်ဒါဆာက “ဒေဆုံးဖြတ်ချက်က နာကြင်စရာကောင်းရေဆုံးဖြတ်ချက်တခုပါ။ ယေကေလေ့ ကျနော်ရိုအနီနန့် လုပ်ဖိုလိုအပ်ပါရေ။ ကျနော်ရို့ အဲဖရက်ရှရူဒါကို ယုံကြည်မှုနန့် အချိန်တိပီးခပါဗျာလ်။ အမှတ်တီအများကြီးဆုံးယှုံးခရေအတွက် သူနန့်လမ်းခွဲလိုက်ရစွာပါ” ဟု ဆိုသည်။
နည်းပြရှရူဒါသည် မန်ယူသို့ပြောင်းလားသည့် နည်းပြ တန်ဟက်ဂ်၏နီရာ၌ ကုန်ခသည့် ၂၀၂၂ခုနှစ် ဂျုန်လကနီ ၂၀၂၄ ခုနှစ်အထိ စာချုပ်နန့် တာဝန်ယူ ကိုင်တွယ်နီခြင်းဖြစ်သည်။
လက်ဟိမှာတော အသင်း၏ရလဒ်စွမ်းဆောင်ရည် ဆက်တိုက်ဆိုးရွားမှုကြောင်း အေဂျက်စ်အသင်းမှ စာချုပ်ဖျက် သိမ်းကာ ထုတ်ပယ်လိုက်ခြင်းဖြစ်ကြောင်း သိရသည်။
